Utanriksstasjonar testar Facebook og andre sosiale media
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Nyheit | Dato: 03.03.2010
Utanriksdepartementet ønskjer gjennom eit prøveprosjekt å teste ut korleis utanriksstasjonane best kan ta sosiale media i bruk. Ni norske ambassadar og generalkonsulat er no aktive på ulike sosiale media.
Departementet vil i første omgang sjå nærare på i kva grad aktiv bruk av sosiale media kan styrke utanriksstasjonanes arbeid med å fremme norske interesser og skape eit tydeleg og positivt norgesbilde hos utvalde utanlandske målgrupper.
Dei ni prøvestasjonane skal på vegne av heile utanrikstenesta teste kva ein kan vente å oppnå ved å ta i bruk ulike sosiale media. I tillegg til Facebook tester stasjonene ut Twitter, blogg, YouTube og Youku.
Bruken av sosiale media aukar kraftig. Facebook passerte i løpet av februar Google som den tenesta som dirigerer flest brukarar til andre stader på nettet.
Her følgjer ein oversikt over kvar du finn dei ulike stasjonane:
Ambassaden i Aten
Stasjonen er på Facebook under namnet The Norwegian Embassy in Athens, Greece.
Ambassaden i Berlin
Stasjonen er på Facebook under namnet Norwegische Botschaft in Berlin og på Twitter som NorwegInBerlin.
Ambassaden i Dar es Salaam
Stasjonen er på Facebook under namnet Norway and Tanzania - Acting on Climate Change.
Generalkonsulatet i Guangzhou
Stasjonen har oppretta ein blogg på den kinesiske sida blog.sina, og legg ut videoklipp på youku.
Ambassaden i London
Stasjonen er på Facebook under namnet Norwegian Embassy in London.
Ambassaden i Mexico by
Stasjonen er på Facebook under namnet Embajada de Noruega en México.
Generalkonsulatet i New York
Stasjonen har oppretta ein Facebook-profil kalla Norwegian Architecture and Design.
Ambassaden i Stockholm
Stasjonen er på Facebook under namnet Norges ambassad i Stockholm, på Twitter som Norge_i_Sverige og på YouTube.
Ambassaden i Washington
Stasjonen er på Facebook under navnet Norwegian Embassy in Washington. I tillegg har stasjonen oppretta ulike profilar på Twitter; ein for politiske twitringar, ein for kulturelle, og ei samleside.