Voss herad fekk prisen for årets nynorskkommune 2020
Historisk arkiv
Publisert under: Regjeringen Solberg
Utgjevar: Kulturdepartementet
Nyheit | Dato: 03.11.2020
– Under koronapandemien har heradet vore trygg og klar i kommunikasjonen til innbyggjarane. Voss herad tar språk på alvor, og det dei får til, er både inspirerande og imponerande, sa kultur- og likestillingsminister Abid Q. Raja under utdelinga.
Voss herad får prisen for arbeidet heradet har gjort med informasjon på nynorsk til innbyggjarane under koronakrisa. Heradet arbeider med kurs og organiserte «språkvener» i administrasjonen og har òg samarbeidd med avisa Hordaland for å sikre klart og rett språk – på nynorsk – til innbyggjarane.
Kvart år sidan 2009 har Kulturdepartementet og Språkrådet delt ut prisen «Årets nynorskkommune». I år har juryen særleg konsentrert seg om kommunar som har brukt nynorsken godt i informasjons- og kommunikasjonsarbeidet under koronakrisa.
Kulturminister Abid Q. Raja delte ut prisen på Nasjonalbiblioteket i Oslo, fredag 30. oktober. Prisen er på 100 000 kroner.