Budsjett 2002:

Styrkt innsats for betre levekår for lesbiske og homofile

Regjeringaforeslår å bruke 10 millionar kroner for å følgje opp stortingsmeldinga Levekår for lesbiske og homofile i Noreg. Av desse er 7,5 millionar øyremerkt konkrete tiltak. – Likestilling mellom heterofile og homofile har klare parallellar til likestilling mellom kjønna. Regjeringa ser på homopolitikk som ein integrert del av likestillings-, familie- og ungdomspolitikken, seier barne- og familieminister Karita Bekkemellem Orheim.

Oppfølging av tiltak i meldinga er forankra i Barne- og familiedepartementet. Innsatsen skal gjerast i samarbeid med Sosial- og helsedepartementet, Justisdepartementet og Kyrkje-, utdannings- og forskingsdepartementet, dessutan i dialog med organisasjonane.

Til neste år vil Barne- og familiedepartementet prioritere desse forslaga frå meldinga:

• Styrkje driftsstøtta til Landsforeningen for lesbisk og homofil frigjøring (LHH) til to millionar kroner. Det er i tilegg sett av midlar til eit toårig anti-diskrimineringsprosjekt i regi av LLH, med særleg sikte på organisasjons- og arbeidslivet.
• Løyve midlar til informasjonsmateriell, kurs, kompetanseheving og nettverksarbeid.
• Løyve midlar til å lage informasjonsmateriell til foreldre om ungdom og homofili.
• Barne- og ungdomstiltak til informasjon, rettleiing og anti-diskrimineringsarbeid.
• Medverke til forsking ved å gi midlar til Noregs forskingsråd sitt program for kjønnsforsking: Kunnskap, grenser, endring.

Andre pressemeldinger om statsbudsjett 2002:
Hovedpressemelding
En milliard kroner til barnehager
Tilskot til nytt mannssenter
Satsing på ungdom i større bysamfunn
Endret tilskuddsordning til familie- og likestillingspolitiske organisasjoner
Budsjett med kjønnsperspektiv lagt fram

Aktuelle lenker:

Tallfakta - BFDs hovedtall, overføringer til barnefamilier og eksempler
St.prp. nr. 1 - Barne- og familiedepartementet