Økonomisk tilsyn ved private skular som får tilskot etter privatskulelova

Dette rundskrivet er eit tillegg til rundskriv F-25/93.

Departementet har i rundskriv F-25/93 fastsett retningsliner for utdanningskontora sitt tilsyn med private skular. Tilsynsoppgåvene til utdanningskontora skal heretter også femna om økonomisk tilsyn på grunnlag av ny rekneskapsforskrift for privatskulane fastsett av Kyrkje-, utdannings- og forskingsdepartementet 21. juni 1996. Under dette skal utdanningskontora kontollera at grunnlaget for statstilskot er rett, og at tilskotet vert nytta etter føresetnadene, jamfør §§ 12 og 13 i forskrifta.

Reglar om utrekningsgrunnlag for statstilskot finst i "Forskrift om budsjett, rekneskap, kontroll og revisjon for private skular som får statstilskot etter privatskulelova" §§ 6 og 7. Ved tilsynsvitjingar på skulane skal utdanningskontora sjå etter at desse reglane blir lagde til grunn ved elevtalsrapporteringa til departementet, og at innrapporterte elevtal er i samsvar med faktiske elevtal ved skulen på teljetidspunktet.

Departementet vil i eige rundskriv gje nærare omtale av tilsyn med private skular i utlandet.

Med helsing