Statsministerens program veke 10

Nokre av tidspunkta 5. mars er endra på grunn av eit innstilt fly.

Statsministeren og statsrådane har normalt desse faste postane i vekeprogrammet: Regjeringskonferanse torsdag kl. 12.30 og statsråd på Slottet fredag kl. 11.00. Det er også jamlege møte i Regjeringa sitt sikkerheitsutval (RSU).

Måndag 4. mars
Kl. 09.00: Statsminister Erna Solberg besøkjer Bekkelaget skole, i samband med ei markering av at skulen er sertifisert av Dysleksi Noreg som dysleksivennleg.

Presse som ønskjer å dekke besøket kan melda seg på til smkinfo@smk.dep.no innan søndag 3. mars kl. 20.00. Oppmøte måndag morgon seinast kl. 08.45. Adresse: Marienlundveien 1.

Pressekontakt er kommunikasjonsrådgivar Marita I. Wangberg, e-post miw@smk.dep.no, telefon 905 12 319.

Kl. 18.00: Statsministeren taler til FN-studentar på opninga av UN Theme Week på DOGA i Oslo. Adresse: Hausmanns gate 16.

Pressekontaktar er kommunikasjonsrådgivar Arvid Samland, telefon 930 51 458, e-post asa@smk.dep.no.

Tysdag 5. mars
Kl. 11.15: Statsministeren besøkjer Nysnø som skal gjere investeringar som bidrar til klimagassreduksjon. Adresse: Strandkaien 6, Stavanger.

Kl. 12.15: Statsministeren møter Emily Ann Riedel som har fått fast jobb på Scandic Forum hotell i Stavanger. Adresse: Gunnar Warebergs gate 17, Stavanger.

Kl. 13.15: Statsministeren besøkjer Revheim ungdomsskole. Skulen jobbar godt med å ta i bruk ny teknologi og har nettopp opna eit gaming-rom. Adresse: Revheimsveien 128, Hafrsfjord.

Kl. 14.15: Statsministeren besøkjer ettersorteringsanlegget IVAR. Adresse: Forusbeen 198, 4313 Sandnes

Kl. 15.30: Statsministeren møter nokon av initiativtakarane bak grasrotopprøret i barnevernet #heierna-kampanjen. Adresse: St. Olavsgate 13, Stavanger.

Kl. 18.00: Statsministeren deltek i ein samtale i arrangementet «I kveld med Tomas og Gunvald» i Randaberg kyrkje. Randabergveien 365.

Pressekontaktar er politisk rådgivar Peder Weidemann Egseth, telefon 907 06 696, e-post pwe@smk.dep.no og kommunikasjonsrådgivar Anne Nordskog, telefon 975 30 948, e-post ano@smk.dep.no.

Onsdag 6. mars
Kl. 08.30: Statsminister Erna Solberg deltek på eit frukostmøte i regi av prosjektet Blått hav. Prosjektet inviterer ungdom og studentar til å bidra med innovative og bærekraftige løysingar på miljøutfordringane i havet. Adresse: Statsraaden Bar & Reception, Bradbenken 2.

Kl. 09.00: Statsministeren taler på opninga av den internasjonale konferansen North Atlantic Seafood Forum, på Radisson Blu Royal Hotel i Bergen. Adresse: Dreggsallmenningen 1, Bergen.

Kl. 10.45: Statsministeren besøkjer Lerøy Seafood Group på Marineholmen i Bergen. Adresse: Thormøhlens gate 51B, Bergen.

Kl. 13.15: Statsministeren besøkjer Rema 1000 Skulestadmo på Voss. Tema for besøket er inkludering i arbeidslivet. Adresse: Strandavegen 335.

Kl. 14.50: Statsministeren besøkjer Dale of Norway på Dalekvam. Adresse: Sandlivegen 2.

Kl. 16.30: Statsministeren besøkjer helsestasjonen for ungdom og studentar ved Engen helsestasjon i Bergen, der ho får ei orientering om helsefremjande og førebyggjande arbeid. Adresse: Teatergaten 41, Bergen.

Kl. 18.00: Statsministeren deltek på eit arrangement i regi av Bergen Høgre, på Logen bar på Hordaland Teater. Adresse: Øvre Ole Bulls plass 6.

Pressekontaktar er statssekretær Rune Alstadsæter, telefon 915 58 419, e-post ral@smk.dep.no og kommunikasjonsrådgivar Arvid Samland, telefon 930 51 458, e-post asa@smk.dep.no.

Kl. 21.00: Statsministeren deltek på Elevorganisasjonens jubileumsbankett, der det vert markert at det er 100 år sidan første elevråd. Adresse: Thon Congress Gardermoen, Balder allé 2.

Pressekontakt er kommunikasjonsrådgivar Marita I. Wangberg, telefon 905 12 319, e-post miw@smk.dep.no.

Torsdag 7. mars
Kl. 08.00: Statsministeren deltek på Civita sitt frukostmøte om 8. mars, likestilling og feminisme. Adresse: Christiania kafé, Nedre Vollgate 19.

Pressekontakt er statssekretær Sunniva Ihle Steinstad, telefon 959 77 153, e-post sis@smk.dep.no.