Dette skal det no bli slutt på. Regjeringa vedtok i dagens statsråd ein kongeleg resolusjon om felles overordna retningslinjer for vedlikehald av desse eigedomane. Dei skal registrerast i eit felles register og alle departement må utarbeide både ein samla landsvernplan for sektoren sin og ein forvaltningsplan for dei einskilde eigedomane. Dette vil gi ytterligare slagkraft til Prosjektet Statens kulturhistoriske eigedomar som leiast av Fornyings- og administrasjonsdepartementet og omfattar rundt 10 millionar kvadratmeter bygningsmasse.

- Dette er eit enormt lyft og ein merkedag i arbeidet med å ta vare på viktige delar av historia vår. Eg er veldig glad for oppslutninga om prosjektet så langt; helseføretaka, Posten, Avinor, Statsbygg, universiteta og mange fleire er godt i sving, seier fornyingsminister Heidi Grande Røys.

Saman med det overordna regelverket vil Fornyingsdepartementet òg gi ut ein rettleiar som skal hjelpe statlege aktørar i arbeidet deira med å ta godt vare på staten sine kulturhistoriske eigedomar. Denne skal vare klar til utsending 1. oktober.

Prosjekt Statens kulturhistoriske eigedomar

Kongeleg resolusjon om overordna føresegner om forvaltning av statlege kulturhistoriske eigedomar