Auka løyving til bibliotekvederlag i Revidert nasjonalbudsjett

Det siste året har bestanden av verk ved skulebiblioteka og fag- og forskingsbiblioteka auka meir enn tidlegare år, og det er difor naudsynt å auke bibliotekvederlaget med 2,1 millionar kroner. Det samla bibliotekvederlaget for 2008 blir etter auken på 78,6 millionar kroner.

Bibliotekvederlaget for perioden 2008-2011 baserer seg på ein avtale mellom staten ved Kultur- og kyrkjedepartementet og opphavsmannsorganisasjonane med forhandlingsrett som blei inngått 28. november 2007. Denne avtalen fastset ein vederlagssats per verk til utlån i norske bibliotek. Storleiken på det samla vederlaget baserer seg på bibliotekstatistikken til ABM-utvikling.