59 nye kommunar i ”Saman om ein betre kommune”

Det nasjonale utviklingsprogrammet ”Saman om ein betre kommune” blir utvida med 59 nye kommunar. Med det er totalt 110 kommunar med i programmet.

"Saman om ein betre kommune" er eit samarbeid mellom Kommunal- og regionaldepartementet, KS og dei store forhandlingssamanslutningane. Målet med programmet er å skape best mogleg tenester til innbyggjarane landet rundt.

Dei neste tre åra skal kommunane i programmet drive utviklingsarbeid retta mot nokre av dei viktigaste utfordringane i kommunesektoren. Tema er sjukefråvere, kompetanse/rekruttering, heiltid/deltid og omdøme. ”Saman om ein betre kommune” skal gje deltakarkommunane støtte i dette arbeidet, og få fram kunnskap og gode døme til bruk for alle kommunar.

Innovasjon og nytenking rundt gamle problemstillingar spelar ei stor rolle i programmet. Målet er å få fram gode døme som andre kommunar kan lære av.

Nye kommunar i ”Saman om ein betre kommune”:

Akershus: Oppegård, Rælingen, Sørum
Buskerud: Ringerike: Øvre Eiker
Finnmark: Båtsfjord
Hedemark: Hamar, Os, Tolga, Åsnes
Hordaland: Austrheim, Etne, Stord, Vaksdal
Møre og Romsdal: Fræna, Kristiansund, Stordal, Sunndal, Surnadal, Ørsta
Nordland: Andøy, Dønna, Lofotsamarbeid (Værøy, Moskenes, Flakstad, Røst)
Nord-Trøndelag: Grong, Høylandet, Inderøy, Innherred Samkommune (Levanger og Verdal)
Oppland: Nordre Land, Sel, Vågå, Østre Toten
Rogaland: Eigersund, Haugesund
Sogn- og Fjordane: Høyanger, Sogndal
Sør-Trøndelag: Frøya, Midtre Gauldal, Oppdal, Rissa, Åfjord
Telemark: Porsgrunn
Troms: Ibestad, Kvæfjord, Lenvik, Salangen, Skånland, Sørreisa
Vest-Agder: Listerregionen (Flekkefjord, Hægebostad, Kvinesdal, Lyngdal, Sirdal)
Vestfold: Andebu, Nøtterøy
Østfold: Sarpsborg, Spydeberg

• Lenkje til oversikt over kommunar som allereie er med i programmet
• Lenkje til ”Saman om ein betre kommune”