18 millionar kroner til Vikersund skiflygingsanlegg
Historisk arkiv
Publisert under: Regjeringen Stoltenberg II
Utgjevar: Kulturdepartementet
Pressemelding | Nr: 43/11 | Dato: 13.05.2011
Regjeringa foreslår å løyve 18 millionar kroner til Vikersund skiflygingsanlegg i revidert statsbudsjett for 2011.
Regjeringa foreslår å løyve 18 millionar kroner til Vikersund skiflygingsanlegg i revidert statsbudsjett for 2011.
- Prøve-VM i skiflyging i vinter viste at Vikersund er eit anlegg på internasjonalt toppnivå, seier kulturminister Anniken Huitfeldt. - Med denne løyvinga vil bakken stå fullt utbygd til VM i skiflyging i 2012, seier kulturministeren.
Løyvinga vil dekkje inntil 50 prosent av kostnader for arbeid som står att, slik som heis og varmestue for hopparane, supplering av tekniske installasjonar, publikumsområde og sikrings- og terrengarbeid.
Stiftelsen Vikersund Hoppsenter gjennomfører ombygging av nasjonalanlegget for skiflyging i Vikersund.
Skiflygingsbakken i Vikersund har status som nasjonalanlegg. Anleggseigar kan søkje om tilskot på inntil 50 prosent av kostnadene ved ombygging eller oppgradering av anlegget.