Jordbruk: Annakvar driv tilleggsnæring

Jordbruk: I 2005 hadde 48 prosent av dei aktive jordbruksbedriftene ei eller anna form for tilleggsnæring attåt tradisjonelt landbruk. Det syner førebelse tal fra Landbruksundersøkinga til Statistisk sentralbyrå (SSB).Arbeidsinnsatsen i tilleggsnæringane utgjorde 6,9 millionar timeverk i perioden 01.06. 2004-31.05. 2005. Med tilleggsnæring meiner SSB i denne samanheng ein aktivitet som utnyttar areal, bygningar eller maskinar som høyrer til jordbruksbedrifta.

• Annakvar jordbruksbedrift driv tilleggsnæring – heile saka hos SSB

Leigekøyring
Den mest utbreidde tilleggsnæringa er leigekøyring som vert driven av om lag 10700 jordbruksbedrifter. Drygt 8500 jordbruksbedrifter hadde inntekt frå leigekøyring med bedrifta sine maskinar utanfor jordbruksnæringa i 2004. Samla hadde desse ei bruttoinntekt frå leigekøyringa på om lag ein halv milliard kroner. Gjennomsnittleg var bruttoinntekta frå leigekøyring 58000 kroner per bedrift.

Samla arbeidsinnsats
Samla arbeidsinnsats på jordbruksbedriftene var på 131 millionar timeverk i 2004/05. Av den samla arbeidsinnsatsen blei 120 millionar timeverk utførte i jord- og hagebruk, 3,9 millionar timeverk i skogbruk og 6,9 millionar timeverk i tilleggsnæringar. Frå 2002/03 til 2004/05 gjekk den samla arbeidsinnsatsen ned med 11,3 millionar timeverk. Det er reduksjonen i arbeidsinnsats innanfor jord- og hagebruk som har størst verknad på nedgangen i samla arbeidsinnsats.

Jordbruk: I 2005 hadde 48 prosent av dei aktive jordbruksbedriftene ei eller anna form for tilleggsnæring attåt tradisjonelt landbruk.

13.06.06

• Gratis nyhetstjeneste fra LMD