Mat: Skal analysere barnemat

Mat: Mattilsynet vil hausten 2006 setja i gong eit nytt analyseprosjekt kor nokre barnegrøtar og morsmjølkerstatningar vil bli analysert for innhaldet av enkelte vitamin og mineral.

• Nytt analyseprosjekt på barnemat - heile saka hos Mattilsynet

Prosjektet ”Næringsstoffanalysar av utvalde barnematprodukt 2006-2008” er ei oppfølging av to tidligare prosjekt kor innhaldet av somme næringsemne har blitt analysert i barnegrøtar og i morsmjølkerstatningar.

I del ein av prosjektet vil dei aktuelle produkta bli analysert for innhaldet av vitamin A, vitamin D, jern, kalsium og sukkerartar. Analysane vil bli teke ved produksjonstidspunktet for dei ulike produkta. Alle produkta vil bli lagra til utlaupet av oppgjeve haldbarheitstid for så å bli analysert for innhaldet av vitamin A og vitamin D (del to av prosjektet).

Del ein av prosjektet er planlagt ferdigstilt i juni 2007, medan del to av prosjektet er tenkt ferdigstilt i november 2008. Rapportar frå prosjekta vil bli publisert på nettsidene til Mattilsynet

Mat: Mattilsynet vil setja i gang prosjektet ”Næringsstoffanalysar av utvalde barnematprodukt 2006-2008”.