Jordbruk: Mindre energibruk i jordbruket

Jordbruk: Det totale forbruket av elektrisk energi og diesel i jord- og hagebruk gjekk ned frå 2001 til 2005. Men det gjennomsnittlege forbruket per gardsbruk auka. Det viser førebels tal for Landbruksundersøkinga 2006 frå Statistisk Sentralbyrå.

• Heile saka hjå SSB 

Statistisk Sentralbyrå har lagt ut førebels tal for Landbruksundersøkinga 2006. Tala syner at det totale forbruket av elektrisk energi i jord- og hagebruk gjekk noko ned frå 2001 til 2005. I 2001 blei det brukt 1,22 milliardar kWh, medan det i 2005 blei brukt 1,11 milliardar kWh. 

Nedgang i talet på jordbruksbedrifter forklarar noko av reduksjonen i forbruket av elektrisitet. Samstundes har jordbruksarealet i drift endra seg lite, og gjennomsnittleg storleik på jordbruksbedriftene har auka. Rekna per jordbruksbedrift auka forbruket av elektrisk energi frå 2001 til 2005 med 2 000 kWh. Gjennomsnittleg blei det i 2005 brukt 24 000 kWh elektrisk energi per jordbruksbedrift. 

Det totale forbruket av diesel i jord- og hagebruk var 127 millionar liter i 2005, mot 129 millionar liter fire år tidlegare. Forbruket av diesel per jordbruksbedrift auka med om lag 18 prosent. 

Jordbruk: Det totale forbruket av elektrisk energi og diesel i jord- og hagebruk gjekk ned frå 2001 til 2005.