Kulturlandskap: Sau mot attgroing

Kulturlandskap: Kan utegangarsauen bli redninga for dei truga kystlyngheiane langs atlanterhavskysten frå Sør-Europa til Nord-Noreg? Ved Bioforsk har forskarane arbeidd med utegangarsau og kystlandskap i fleire år.

• Heile saka på forskning.no

Skoglaust landskap
Dei menneskeskapte kystlyngheiane er eit skoglaust landskap langs atlanterhavskysten. Etter beiting og sviing gjennom fleire hundreår dominerer røsslyngen. Denne driftsforma gav husdyra beite heile året, og kystbonden fekk både kjøt og ull frå sauen. Kulturlandskapet langs atlanterhavskysten og nordover er klassifiserte som ”svært truga” under EUs Habitatdirektiv. Samtidig har Nordisk Ministerråd gitt Noreg eit ansvar for dei nordlege kystlyngheiane.

Bruken må halde fram
- Noreg er ansvarleg for ivaretakinga av dei nordlege kystlyngheiane, og vi er heilt avhengige av at bruken held fram for å lykkast, seier Liv Guri Velle ved Bioforsk.  Forskarane ved bioforsk har arbeidd med utegangarsau og kystlandskap i fleire år. Dei meiner auka bruk av den gamle sauerasen vil vere eit avgjerande bidrag for å halde kulturlandskapet ope. I eit nytt prosjekt i Bioforsk vil ein bruke utegangarsau for å kombinere næring og kulturlandskapspleie.

Kulturlandskap: Ved Bioforsk har forskarane arbeidd med utegangarsau og kystlandskap i fleire år.