Pressemelding

Nr.: 70/06
Dato: 26. september 2006
Kontaktperson: Informasjonsrådgjevar Arvid Samland, tel. 93 05 14 58

Kinas visestatsminister besøkjer Noreg

Den kinesiske visestatsministeren Zeng Peiyan besøkjer Noreg denne veka. Nærings- og handelsminister Odd Eriksen er vert for besøket, og dei to skal blant anna diskutera ein eventuell frihandelsavtale mellom Kina og EFTA.

– Regjeringa prioriterer å få til ein frihandelsavtale med Kina. Det vil opna for betre marknadstilgang og auka eksport for norske bedrifter, seier Eriksen.

Dei to ministrane møtest til politiske samtalar onsdag 27. september kl 10.10. Dei stiller opp til fotografering før møtet. Oppmøte i R5 i Regjeringskvartalet kl 10.00.

Zeng Peiyan og Odd Eriksen deltar ved underteikninga av ein avtale om styrkt samarbeid om energieffektivisering og fornybar energi. Avtalen vert signert av Olje- og energidepartementet og the National Development and Reform Commission.

Pressa er velkomen til å delta på seremonien. Det er fotomoglegheiter på staden.

Stad: Regjeringas representasjonsbustad i Parkveien 45.

Tid: Onsdag 27. september kl 13.10. Oppmøte kl 13.00.

Zeng Peiyan og Odd Eriksen besøkjer også Rogaland. Torsdag 28. september skal dei på båttur i Lysefjorden. Pressa er velkomen til å delta på turen.På grunn av plassmangel er det nødvendig med påmelding.

Det er avreise med ”Westcruise” frå Strandkaia i Stavanger kl 14.55. Oppmøte seinast kl 14.45. Båten er tilbake i Stavanger kl 17.55.

Påmelding til Nærings- og handelsdepartementet v/Arvid Samland, tel. 93 05 14 58. Frist: onsdag 27. september kl 12.00.