Allmenn høyring - Forslag til forenklingar og endringar i regelverket om arbeidsmarknadstiltak
Høyring | Dato: 16.06.2015 | Arbeids- og inkluderingsdepartementet
Opphavleg utgjeve av: Arbeids- og sosialdepartementet
Regjeringa foreslo i meldingsdelen i Prop. 39 L (2014-2015) Endringer i arbeidsmiljøloven og sosialtjenesteloven, tiltak som kan inkludere fleire i ordinært arbeidsliv. Stortinget har i behandlinga av meldingsdelen slutta seg til forslaget til regjeringa, jf. Innst. 208 L (2014-2015).
Arbeids- og sosialdepartementet sender med dette på allmenn høyring forslag til forenklingar og endringar i regelverket om arbeidsmarknadstiltak som følgjer opp forslaga i proposisjonen om endringar i arbeidsmarknadstiltaka.
Ordningane som blir omfatta av dette høyringsnotatet er midlertidig og varig lønnstilskot, arbeidspraksis i ordinær og skjerma verksemd, tiltak i arbeidsmarknadsbedrift, varig tilrettelagt arbeid, samt tilretteleggingsordningane og tilretteleggings- og oppfølgingsordninga.
Fleire av dei noverande arbeidsmarknadstiltaka blir ført vidare. For å sikre einsarta bruk av omgrep og lik struktur i oppbygginga av regelverket for det enkelte tiltaket, er det utarbeidt ei ny forskrift om arbeidsmarknadstiltak.
Departementet foreslår bl.a. at det blir opna for midlertidig tilsetting i ordninga med midlertidig lønnstilskot. For å kunne innføre tilsvarande reglar for tilsettingar som blir omfatta av tenestemannslova, slik at det blir enklare å bruke lønnstilskot innanfor offentleg sektor, blir det gjort framlegg om at unnatak blir teke inn i forskrift til tenestemannslova 11. november 1983 nr. 1608.
Frist for å sende inn høyringssvar er måndag 14. september 2015.
Av omsyn til vidare arbeid med saka, vil det ikkje bli gitt utsett høyringsfrist.
Les og svar på høyringa her: www.regjeringen.no/id2422655.
Høyringar er opne, og alle kan sende innspel. Vi ber om at høyringssvar blir sendt inn digitalt ved å bruke skjemaet for høyringssvar på regjeringa.no.
Vi ber om at høyringsinstansane ved behov sørgjer for at høyringsbrevet blir sendt eventuelle underliggjande einingar, etatar, medlemsorganisasjonar mv. og at høyringsfråsegner frå desse blir vedlagt.
Med helsing
Ola Ribe (e.f.)
fung. ekspedisjonssjef
Odd Wålengen
avdelingsdirektør
- Høyringsnotat – Forslag til forenklingar og endringar i regelverket om arbeidsmarknadstiltak
- Forskrift om arbeidsmarknadstiltak mv.
- Endringar i forskrift 11. november 1983 nr. 1608 til lov om statens tenestemenn
- Endringar i forskrift 4. november 2013 nr. 1286 om tiltakspengar mv.
- Forskrift om behandlingstilbod for personer med lettare psykiske og samansette lidingar
Akademikerne
Alle departementene
Alle kommuner
Arbeids- og velferdsdirektoratet
Arbeidsgiverforeningen for vekst- og attføringsbedrifter (ASVL)
Arbeidsgiverforeningen Spekter
Attføringsbedriftene
Blå Kors
Celebral Parese foreningen
Fagforbundet
Fellesforbundet
Fellesorganisasjonen for barnevernpedagoger, sosionomer og vernepleiere
Forbundet for ledelse og teknikk
Frelsesarmeen
Frisknett AS
Frivillighet Norge
Funksjonshemmedes Fellesorganisasjon FFO
Fylkesmannsembetene
Helsedirektoratet
Hovedorganisasjonen Virke
Ideelt nettverk
Kirkens bymisjon
Kreftforeningen
Kriminalomsorgsdirektoratet
KS
KS Bedrift
Landsorganisasjonen i Norge LO
Landsrådet for arbeid til yrkeshemmede LAFY
Lederne
Mental Helse
Nasjonalt kompetansemiljø om utviklingshemming NAKU
NITO
Norges Blindeforbund
Norges Handikapforbund
Norsk Attføringsforum
Norsk forbund for utviklingshemmede
Norsk Tjenestemannslag NTL
NTL NAV
Næringslivets Hovedorganisasjon NHO
Podium AS
Rehabilitation International
Rehabiliteringssenteret AiR
Røde Kors
Rådet for psykisk helse
Samarbeidsforumet av funksjonshemmedes organisasjoner, SAFO
Sametinget
Senter for seniorpolitikk
Sivilombudsmannen
Statens helsetilsyn
Statsministerens kontor
Stiftelsen Fontene – Fontenehuset i Oslo
Trygderetten
Uføres Landsorganisasjon
Unge funksjonshemmede
UNIO
Velferdsalliansen
Yrkesorganisasjonenes Sentralforbund YS