Fagseminar om kulturskulen
Historisk arkiv
Publisert under: Regjeringen Solberg
Utgjevar: Kunnskapsdepartementet
Nyheit | Dato: 07.05.2021
Den første stortingsmeldinga om norsk barne- og ungdomskultur i Noreg blei lansert i mars 2021. Kunnskapsdepartementet har ansvaret for kulturskulen, som har ein viktig plass i stortingsmeldinga. Tysdag 18. mai arrangerer Kunnskapsdepartementet, Norsk kulturskoleråd og KS eit nasjonalt fagseminar om stortingsmeldinga og kulturskulen si rolle.
Statssekretær i Kunnskapsdepartementet, Anja Johansen, innleier seminaret med ein presentasjon av stortingsmeldinga, med fokus på kulturskulen.
Målgruppa for fagseminaret er leiarar, pedagogar, politikarar og andre som er knytt til den kommunale kulturskulen og samarbeidspartnarar av kulturskolen lokalt, regionalt og nasjonalt. Blant dei er barnehage, grunnskule og vidaregåande skule, universitets- og høgskolesektoren, relevante etatar og organisasjonar, det frivillige kulturlivet og andre kunst- og kulturaktørar.
Tidspunkt for fagseminaret er tysdag 18. mai kl. 12.00–15.00. Seminaret blir arrangert som eit nettmøte, via videomøtetenesta Zoom.
Påmeldingsfrist er 12. mai.