Fortsatt nedgang i antibiotikabruken

Den globale utviklinga med antibiotikaresistens er ein av dei største helseutfordringane vi står overfor i dag. Det er difor viktig at Norm-Vet gjer oss ein god oversikt over forbruk av antibiotika og førekomsten av antibiotikaresistens.

Rapporten for 2020 viser at forbruket av antibiotika og funn av resistens hjå norske husdyr framleis er blant de aller lågaste i verda.

• Les meir hjå Veterinærinstituttet: Årets NORM-VET rapport bekrefter en fortsatt lav forekomst av antibiotikaresistens hos produksjonsdyr i Norge (vetinst.no)

Forstørr bilete

Den gunstige situasjonen kjem mellom anna av god helse hjå dyra som i sin tur fører til redusert behov for antibiotika. Det er ein restriktiv praksis hjå veterinærane med omsyn til bruk. I tillegg har vi ein ansvarsfull og kompetent husdyrnæring og eit godt samarbeid mellom dyrehelse- og folkehelsestyresmakter.

I 2020 har ein sett særskilt på kylling- og kalkunproduksjon, og der vart det funne svært lite resistente bakteriar.

Rapporten viser også at det blir brukt mindre antibiotika til kjæledyra våre. Bruken til hund og katt har gått ned med 32 prosent i perioden 2013-2020.