Statsministeren besøkte Haag og Rotterdam

Statsminister Erna Solberg besøkte 9. desember Nederland, i samband med at landet tek over EU-formannskapen frå nyttår. Sentrale tema for besøket var migrasjon, energisamarbeid, handel og tryggleikssituasjonen i Europa.

Statsminister Erna Solberg blir tatt i mot av Nederlands statsminister Mark Rutte.
Statsminister Erna Solberg blir tatt i mot av Nederlands statsminister Mark Rutte. Foto: Statsministerens kontor

- Eg set stor pris på samtalane her i Nederland. Det er alltid nyttig for Noreg å ha samtalar med dei landa som overtek formannskapen i EU, seier Solberg. 

I tillegg til møtet med statsminister Mark Rutte møtte statsministeren også finansminister Jeroen Dijsselbloem. Ho besøkte også Rotterdam hamn, Organisasjonen for forbud mot kjemiske våpen (OPCW), Den internasjonale straffedomstsolen (ICC) og Europol.