Hard kamp om årets nasjonale Bygdeutviklingspris
Historisk arkiv
Publisert under: Regjeringen Solberg
Utgjevar: Landbruks- og matdepartementet
Nyheit | Dato: 07.01.2015
Rørosmat SA, Skjærgaarden gartneri og Vom og Hundemat as kjemper om Bygdeutviklingsprisen 2014. Prisen på 250 000 kroner vert delt ut på den norske ambassaden i Berlin 15. januar i samband med Internationale Grüne Woche (IGW).
Prisen på 250 000 kroner vert delt ut på den norske ambassaden i Berlin 15. januar 2015 i samband med Internationale Grüne Woche (IGW).
Dei nominerte er:
Rørosmat SA – Røros i Sør-Trøndelag
Rørosmat har ambisjon om å vera Noregs tydlegaste merkevare innan lokalmat. Dei har gjennom langsiktig og målretta arbeid vorte eit førebilete for andre regionar ved å byggje verksemdfellesskap, gjere merkevaren Rørosmat kjent, utvikle samarbeid mellom mat og reiseliv og landsdekkande distribusjon.
Skjærgaarden Gartneri – Åsgårdstrand i Vestfold
Skjærgaarden Gartneri er Noregs største produsent av vårlauk, i tillegg vert det produsert ei rekkje andre grønsaker og urter av høg kvalitet. Verksemda er svært opptatt av levande matjord, biologien i jorda og kretsløp, og er aktive innan produktutvikling og Forsking- og utviklingsamarbete (FoU).
Vom og Hundemat AS, Trøgstad i Østfold
Gründeren Magne Østby er pølsemakaren som vart berømt som produsent av hundefôr. Han slo gjennom med leveranse til Robert Sørli som vann Iditarod i 2003 (1 800 km i Alaska). I dag har han ei rekkje fornøyde kundar i så vel hundesportmiljøet som i det ordinære hundemiljøet.Nederst i skjemaet.
Bygdeutviklingsprisen vart etablert i 1997 for å synliggjere og vere ei inspirasjonskjelde for vellykka nærings- og forretningsutvikling i, og i tilknyting til landbruket. Kandidatane vert vurdert etter lønnsemd, sysselsetting, sosial og miljømessig berekraft og nyskaping eller originalitet.
Det vert kåra ein vinner i kvart fylke. Prisen på 50 000 kroner vert delt ut av fylkeskontora til Innovasjon Noreg. Fylkesvinnarane konkurrerer om den nasjonale prisen på 250 000 kroner.
Kåring av Bygdeutviklingsprisen 2014
Tid: Torsdag 15. januar ca kl. 16.30
Sted: Den norske ambassaden i Berlin (Rauchstr. 1).
Kontaktpersonar i Innovasjon Norge:
Kjell Bruvoll, kjell.bruvoll@innovasjonnorge.no, mobil 958 58 629
Pressekontakt: siv.isabel.eide@innovasjonnorge.no, mobil 93245247