Kommunal- og distriktsministeren deltar på Kyoto Internet Governance Forum

Internet Governance Forum (IGF) i Kyoto, Japan, 7.- 9. oktober https://www.intgovforum.org/en:

Søndag 8. oktober: Statsråden deltar i panelsamtale om framtida til Internet Governance Forum – og om korleis ein kan forbetre multistakeholderprosessen.

Deltakarar:

• Sigbjørn Gjelsvik, statsråd
• Tripti Sinha, styreleiar, ICANN Board
• Dr. Jun Murai, professor, Universitetet i Keio (Japan)
• Chat Garcia Ramilo, direktør, Assosciation for Progressive Communications
• Mr. John Whittingdale, statsråd for data og digital infrastruktur
• Doreen Bogdan-Martin, generalsekretær, Den internasjonale telekommunikasjonsunion (ITU)
• Maria Fernanda Garza, CEO, Orestia og styreleiar International Chamber of Commerce

Moderator: Barbara Carfagna, Journalist, Rai Television (Italia)

Måndag 9. oktober:

Statsråden halder innlegg om Noregs kandidatur til Internet Governance Forum i 2025. 

• Noreg jobbar for eit ope, globalt og fritt internett

I tillegg har statsråden bilaterale møte med mellom anna visegeneralsekretær i FNs Department of Economic and Social Affairs (DESA), Li Junhua, Japans minister for Digital Transformation, Taro Kono, Storbritannias minister for Data and Digital Infrastructure, John Whittingdale.

Bilaterale møte i Tokyo, 9.-10. oktober:

Statsråd Gjelsvik og hans delegasjon møter kabinettsekretær for offentlege tenester Noriyuki Shikata for å høyre meir om deira Digital Garden City Nation prosjekt og Japan sin statsråd for innenrikssaker og kommunikasjon, Junji Suzuki for mellom anna å snakke om breiband, internettforvaltning, IGF og WSIS+20.

Statsråden besøker den norske ambassaden i Tokyo der han får møte ei rekkje norske selskap med kontor i Japan.