Seikvoten for 2008
Historisk arkiv
Publisert under: Regjeringen Stoltenberg II
Utgiver: Fiskeri- og kystdepartementet
Pressemelding | Nr: 75/2007 | Dato: 12.11.2007
Fiskeri- og kystdepartementet har fastsett totalkvoten for norsk arktisk sei nord for 62. breiddegrad i 2008 til 247 000 tonn. Det er ein auke på 11 prosent i høve til totalkvoten for i år.
Fiskeri- og kystdepartementet sendte i fjor forslag til forvaltningsstrategi for norsk arktisk sei til Det internasjonale råd for havforsking (ICES) for evaluering og godkjenning. ICES har konkludert med at strategien er i tråd med føre-var-prinsippa. Forvaltningsstrategien er med dette vedtatt og implementert i forvaltninga.
ICES meiner bestanden vert hausta berekraftig og at den har god reproduksjonsevne. Fiskedauden er under føre-var-nivået, og gytebestanden er godt over føre-var-grensen.
Forvaltningsstrategien tilseier som hovudregel maksimal endring av totalkvoten frå år til anna på 15 prosent. 2008 er andre året forvaltningsstrategien leggast til grunn for fastsetting av totalkvoten. For 2007 gav strategien ein auke i totalkvoten på 15 prosent frå året før og for 2008 gir den ein auke på 11 prosent.
Nordøstarktisk sei - Sammendrag av ACFM-anbefalinger, juni 2007 (Havforskningsinstituttets nettsider)