231 millionar meir til Aust-Agder neste år

Regjeringa foreslår 231 millionar kroner i vekst i frie inntekter til kommunane i Aust-Agder og Aust-Agder fylkeskommune neste år.

- Me legg til rette for at kommunane kan byggje ut velferdstenester i takt med befolkningsutviklinga. Slik sikrar me at kommunane har gode høve for å bygge ut skular, barnehagar og pleie- og omsorgstilbod til dei som treng dette, seier kommunal- og regionalminister Liv Signe Navarsete.

- I tillegg kjem særskilte satsingar innan barnevern, rehabilitering av skular, symjebasseng, kyrkjer og fylkesvegar, investeringstilskot til sjukeheimsplassar og omsorgsbustadar og pengar til mellom anna samhandling og rustiltak. Kommunane får meir pengar enn varsla i kommuneproposisjonen, seier Navarsete.

Den nominelle veksten i frie inntekter til kommunar og fylkeskommunar skal dekke både prisveksten og den reelle styrkinga av inntektene.

Tabellen syner fordelinga av dei frie inntektene for kommunane i Aust-Agder og Aust-Agder fylkeskommune.

		Vekst frå RNB
		2010 til 2011
	Anslag på	Nominelle	Prosent
	frie	Kroner
	inntekter
Kommune	2011
	(1 000 kr)	(1 000 kr)
	1	2	3
0901 Risør	302 359	15 390	5.4
0904 Grimstad	842 931	38 624	4.8
0906 Arendal	1 638 392	60 433	3.8
0911 Gjerstad	125 592	3 675	3.0
0912 Vegårshei	97 788	3 749	4.0
0914 Tvedestrand	252 271	12 733	5.3
0919 Froland	211 064	17 845	9.2
0926 Lillesand	394 889	17 263	4.6
0928 Birkenes	201 619	13 694	7.3
0929 Åmli	105 689	2 739	2.7
0935 Iveland	70 615	3 543	5.3
0937 Evje og Hornnes	151 909	9 782	6.9
0938 Bygland	76 346	3 560	4.9
0940 Valle	74 941	1 687	2.3
0941 Bykle	64 271	92	0.1
Blir fordelt gjennom året	2 900
Aust-Agder	4 613 576	204 486	4.6
Aust-Agder fylkeskommune	1 113 627	26 333	2.4

Dei nominelle veksttala for einskildkommunar skal og dekke kostnadsauken frå 2010 til 2011. Denne er berekna til 2,8 prosent.

Kommunal- og regionaldepartementet sin pressetelefon: 22 24 25 00.