Landbruk: Betre rådgjevingstenester

Landbruk: Landbruks- og matdepartementet løyver 150 000 kr til eit kommunalt prosjekt knytt til betra rådgjevingstenester i landbruket. Eit regionalt utviklingsprosjekt i Sveio kommune i Hordaland skal skape eit meir samla kompetansemiljø for næringsutvikling.  

• Tilskotsbrev frå Landbruks- og matdepartementet  

Det regionale utviklingsprosjektet ”Kvalitet og samspel – Heilskapstenking og nye samarbeidsformer i førstelinjetenesta” i Sveio kommune i Hordaland er ein forbetra rådgjevingsteneste for bønder i kommunen både i forhold til det tradisjonelle landbruket, og for utvikling av tilleggsnæringar i tilknyting til landbruket. Målet med prosjektet er å arbeide for eit heilskapleg næringssamarbeid i kommunen, der landbruksretta verksemder er fullt ut integrerte i det lokale næringsutviklingsarbeidet. 

Regjeringa har som målsetjing at kommunane si rolle som samfunns- og næringsutviklarar vert styrka, og at landbruket vert ein integrert del av dette arbeidet. Landbruks- og matdepartementet ser difor svært positivt på prosjektet i Sveio kommune. Tiltaket er også i tråd med arbeidet som er gjort i samband med prosjektet ”kommunene som førstelinje for småskala næringsutvikling” i regi av Innovasjon Norge, Landbruks- og matdepartementet, Kommunal og regionaldepartementet og KS. 

Både lokale og regionale aktørar er tenkt involvert i prosjektet og erfaringane som vert hausta gjennom arbeidet vil ha stor overføringsverdi til andre kommunar og regionar.  

• Meir om landbruk i kommunane 

Landbruk: Landbruks- og matdepartementet løyver 150 000 kr til eit kommunalt prosjekt knytt til betra rådgjevingstenester i landbruket.