Samferdsminister Liv Signe Navarsete: Busstransport meir tilgjengeleg - for alle!

- Tilbodet om busstransport må gjerast enda betre tilgjengeleg for alle grupper av reisande. Samferdselsdepartementet er difor no i gang med å kartleggje kva for tekniske krav som bør fastsetjast for ekspressbussar og såkalla forstadbussar, i dei tilfella det er nødvendig med tekniske tilpassingar for å gjere bussane betre tilgjengeleg.

Dette opplyser samferdselsminister Liv Signe Navarsete, i samband med rådsmøte for Statens råd for funksjonshemma i Balestrand i dag.

Samferdselsdepartementet har tidlegare i år presisert overfor fylkeskommunane og busselskapa at dei skal følgje opp kravet om at ekspressbusstilbodet skal vere tilgjengeleg også for personar med nedsett funksjonsevne.

- Dette skal gjerast ved å tilpasse bussmateriellet eller ved å ha eit tenesteopplegg som gjer at alle grupper av reisande kan bruke bussen, seier samferdselsministeren.

Til redaksjonen

Samferdselsminister Liv Signe Navarsete kan kontaktast via informasjonskonsulent Trude Borge Iversen på telefon 22 24 81 96.

For fleire opplysningar – sjå:

Samferdselsdepartementets rundskriv N-2/2006 av 01.03.06 ”Ekspressbusser – vilkår om tilpassing for funksjonshemmede”

Brev av 22. mai 2006 frå Samferdselsdepartementet til Norges Handikapforbund

Pressemelding av 05.04.06 frå Samferdselsdepartementet, " Samferdselsminister Liv Signe Navarsete: Meir tilgjengeleg kollektivtransport – for alle!"