Høyring om plikt til å sørgje for beredskapslagring av seks månaders normalforbruk av smittevernutstyr til bruk i helse- og omsorgstenesta

Helse- og omsorgsdepartementet sender med dette på høyring forslag til endring av forskrift 23. juli 2001 nr. 881 om krav til beredskapsplanlegging og beredskapsarbeid osb. etter lov om helsemessig og sosial beredskap. Departementet foreslår at kommunar, fylkeskommunar og regionale helseføretak skal sørgje for beredskapslagring av smittevernutstyr tilsvarande seks månaders normalforbruk for helse- og omsorgsteneste i eiga verksemd, eid verksemd og verksemd som etter avtale yter helse- og omsorgstenester til befolkninga.