Statsbudsjettet 2022
514 millionar kroner meir i frie inntekter til Vestfold og Telemark neste år
Historisk arkiv
Publisert under: Regjeringen Solberg
Utgjevar: Kommunal- og moderniseringsdepartementet
Pressemelding | Dato: 12.10.2021
Regjeringa foreslår ein vekst på to milliardar kroner i kommunesektoren sine frie inntekter i 2022. Veksten i frie inntekter er fordelt med 1,6 milliardar kroner til kommunane og 0,4 milliardar kroner til fylkeskommunane. − Dette set kommunesektoren i stand til framleis å levere gode tenester etter at samfunnet er opna att. No skal vi saman ut av pandemien, seier kommunal- og moderniseringsminister Nikolai Astrup.
Tabellen viser fordelinga av dei frie inntektene for kommunane i Vestfold og Telemark og Vestfold og Telemark fylkeskommune og den nominelle veksten frå 2021 til 2022. Veksten er rekna frå eit oppdatert anslag på dei frie inntektene i 2021. Anslaget inkluderer ei justering av skatteinntektene for kommunesektoren i 2021 på 5,9 milliardar kroner, samanlikna med anslaget på skatteinntekter i revidert nasjonalbudsjett 2021.
For å gjere inntektsnivået i 2021 samanliknbart med inntektsnivået i 2022, er det korrigert for oppgåveendringar, regelendringar og endringar i finansieringa av oppgåvene til kommunesektoren. Dei ekstraordinære løyvingane til kommunesektoren i 2021 i samband med virusutbrotet, er ikkje rekna med i inntektsnivået for 2021.
Variasjonen i veksten mellom kommunar og mellom fylkeskommunar kan i all hovudsak forklarast med utvikling og endring i befolkninga og endringar i skjønnstilskotet og dei regionalpolitiske tilskota. For små kommunar kan mindre endringar gje store utslag i anslaget på vekst målt i prosent.
| Anslag på | Vekst frå anslag | ||
| frie | på rekneskap 2021 - 2022 | ||
| Kommune | inntekter | Nominelle | Prosent |
| 2022 | kroner | ||
| (1000 kr) | (1000 kr) | ||
| 1 | 2 | 3 | |
| 3801 Horten | 1 633 419 | 22 422 | 1,4 |
| 3802 Holmestrand | 1 504 156 | 26 334 | 1,8 |
| 3803 Tønsberg | 3 419 184 | 58 906 | 1,8 |
| 3804 Sandefjord | 3 843 066 | 60 199 | 1,6 |
| 3805 Larvik | 2 911 436 | 54 992 | 1,9 |
| 3806 Porsgrunn | 2 150 320 | 18 092 | 0,8 |
| 3807 Skien | 3 283 729 | 50 523 | 1,6 |
| 3808 Notodden | 828 269 | 14 366 | 1,8 |
| 3811 Færder | 1 682 565 | 26 632 | 1,6 |
| 3812 Siljan | 150 773 | 1 376 | 0,9 |
| 3813 Bamble | 857 475 | 25 680 | 3,1 |
| 3814 Kragerø | 653 312 | 11 773 | 1,8 |
| 3815 Drangedal | 281 316 | 1 986 | 0,7 |
| 3816 Nome | 423 185 | 8 789 | 2,1 |
| 3817 Midt-Telemark | 668 495 | 13 141 | 2,0 |
| 3818 Tinn | 391 266 | 2 604 | 0,7 |
| 3819 Hjartdal | 123 637 | 681 | 0,6 |
| 3820 Seljord | 205 425 | 2 842 | 1,4 |
| 3821 Kviteseid | 172 988 | 639 | 0,4 |
| 3822 Nissedal | 121 134 | 1 869 | 1,6 |
| 3823 Fyresdal | 103 726 | 460 | 0,4 |
| 3824 Tokke | 167 461 | 879 | 0,5 |
| 3825 Vinje | 271 432 | 3 639 | 1,4 |
| Til fordeling gjennom året | 17 400 | ||
| Vestfold og Telemark | 25 865 171 | 409 224 | 1,6 |
| Vestfold og Telemark fylkeskommune | 5 483 760 | 104 591 | 1,9 |
Første kolonne:
Viser overslag på kor mykje kvar kommune og fylkeskommune får i frie inntekter i 2022, målt i 1 000 kroner.
Andre kolonne:
Viser overslag på vekst frå anslag på rekneskap for 2021 til anslag for 2022 i statsbudsjettet, målt i nominelle kroner. Veksten er korrigert for endringar i oppgåvene til kommunane.
Tredje kolonne:
Viser den nominelle oppgåvekorrigerte veksten målt i prosent.