Brei kultursatsing i Hordaland

Regjeringa aukar tilskotet til Bergen Kunsthall – Festspillutstillingen i Bergen med 1 million kroner for å styrkje den faglege aktiviteten. Med dette vil tilskotet i 2010 verte på 5,2 millionar kroner.

Bymuseet i Bergen får ein auke på 1,5 millionar kroner til 12,8 millionar kroner i 2010. Det er også foreslått ein auke på nesten 3 millionar kroner til Kunstmusea i Bergen, som mellom anna skal gå til Ole Bull-jubileet 2010.

Tilskotet til Bergen Filharmoniske Orkester aukar med 11,9 millionar kroner. Dette skal dekkje mellom anna auka lønskostnader i samband med at det er inngått nye avtalar i orkesteret med sikte på meir fleksibilitet og å få eit betre publikumstilbod. For 2010 vert samla tilskot dermed 103,3 millionar kroner.

Bergen Internasjonale Teater får ein auke på 1 million kroner, som mellom anna skal styrkje festivalverksemda. Tilskotet for 2010 vert på om lag 4,4 millionar kroner. Carte Blanche vil få auka tilskotet med 800 000 kroner, som mellom anna skal gå til å styrkje den internasjonale turnéverksemda og dekkje auka pensjonskostnader.

Tilskotet til Den Nationale Scene aukar med 6 millionar kroner. Dette skal gå til å dekkje auka pensjonskostnadar. Det samla tilskotet for 2010 vert dermed 96,6 millionar kroner.

På musikkfeltet kjem ein auke på 2,2 millionar kroner til Den Nye Opera, frå 12,3 til 14,5 millionar kroner, for å styrkje den kunstnarlege verksemda. Tilskotet til Vestnorsk Jazzsenter aukar med 500 000 kroner til om lag 2,8 millionar kroner.

I samsvar med planen som vart lagt fram i St.meld. nr. 8 (2007-2008) Kulturell skulesekk for framtida, skal spelemidlar frå Den kulturelle skolesekken fasast inn på   statsbudsjettet som del av det ordinære tilskotet til dei som tidlegare mottok spelemidlar. Første halvdel vart fasa inn i 2009; andre halvdel skal fasast inn i 2010. Overføringa av spelemidlar til Bergen Vitensenter aukar til om lag 500 000 kroner i 2010.

Den totale løyvinga over KKDs budsjett til Hordaland i 2010 er på om lag 366,6 millionar kroner.

 

Tiltak                     Alle beløp i 1000-kroner	Vedtak 2009	Endring	Forslag 2010
Bergen Filharmoniske Orkester	91 473	11 865	103 338
Bergen Internasjonale Teater (BIT) - Teatergarasjen	3 350	1 000	4 350
Bergen Kunsthall - Festspillutstillingen i Bergen	4 198	1 000	5 198
Bergen Vitensenter - skulesekkmidlar	468	498	966
BIT 20	2 297	250	2 547
Bymuseet i Bergen	11 321	1 500	12 821
Carte Blanche AS	19 253	777	20 030
Den Nationale Scene A/S	90 623	6 000	96 623
Den nye Opera inkl. Ad Opera	12 320	2 193	14 513
Hardanger og Voss museum	7 766	500	8 266
Hordaland Teater	8 787	442	9 229
Kunstmusea i Bergen	14 288	2 957	17 245
Museumssenteret i Hordaland	9 175	500	9 675
Vestnorsk Jazzsenter	2 271	500	2 771