Pressemelding

Nr.: 43/06
Dato: 26. juni 2006
Kontaktperson: Informasjonsrådgjevar Arvid Samland, tel. 93 05 14 58

Priv. til red.:

Nærings- og handelsministeren til Møre og Romsdal og Sogn og Fjordane

Regjeringa reiser igjen ut i landet. Nærings- og handelsminister Odd Eriksen og fiskeri- og kystminister Helga Pedersen besøkjer Møre og Romsdal og Sogn og Fjordane onsdag 28. og torsdag 29. juni. Pressa er velkomen til å følgja programmet.

Næringsministerens program:

Onsdag 28. juni, Møre og Romsdal:

• Kl 1500: Eriksen besøkjer Atlanterhavsveien og Håholmen Havstuer på Averøy. Satsing på reiseliv og marin sektor står i fokus.
• Kl 1720: Eriksen besøkjer Strømsholmen Sjøsportsenter, Vevang. Statsråden skal på havsafari, i tillegg til at han får ei orientering om planane om eit undervassobservatorium.
• Kl 1900: Odd Eriksen og Helga Pedersen deltar på eit ope partiarrangement, i regi av Ap, Sp og SV. Temaet er kultur og næring. Stad: Strømsholmen Sjøsportsenter.

Torsdag 29. juni, Sogn og Fjordane:

• Kl 1100: Næringsministeren lanserer regjeringas næringsretta designpakke. Designpakken skal bidra til auka lønsemd og konkurranseevne i næringslivet. Stad: Stryn kulturhus. Deretter vert det busstransport til Vest Busscar Stryn AS, der det vert omvising i produksjonshallen.
• Kl 1300: Eriksen opnar den første inkubatoren i Sogn og Fjordane, Fjord Inkubator i Stryn. Inkubatoren skal vera eit klekkeri for nye bedrifter, blant anna ved å bidra med kontorlokale og rådgjeving. Ei av dei første bedriftene som får støtte frå inkubatoren, Norwegian Farm House, deltar på opninga. Stad: Stryn næringshage, Flobygget.
• Kl 1700: Statsråden besøkjer Ramstad Eskefabrikk i Førde.