Prop. 37 L (2021–2022)
Endringar i midlertidig lov om billettering på ferje som følge av utbrudd av covid-19
Tilråding frå Samferdselsdepartementet 10. desember 2021, godkjend i statsråd same dagen. (Regjeringa Støre)
Proposisjon til Stortinget (forslag til lovvedtak)
Samferdselsdepartementet føreslår i proposisjonen å forlengje midlertidig lov 26. mai 2020 nr. 55 om billettering på ferje som følge av utbrudd av covid-19 fram til 1. juli 2022. Den mellombelse lova opnar for at billettering på dei offentlege ferjesambanda kan gjennomførast elektronisk ved registrering av køyretøya sine kjennemerker eller AutoPASS-brikke, basert på takstar for køyretøy i samsvar med AutoPASS-regulativet. Ordninga med full elektronisk ferjebillettering og etterskotsvis fakturering har vore i bruk på alle riksvegferjene og ei rekkje fylkesvegferjer sidan april 2020. Den mellombelse lova har vore ein viktig føresetnad for å hindre spreiing av smitte i forbindelse med billettering på ferjene, slik at òg dei offentlege ferjesambanda kan ha ein mest mogleg normal ruteproduksjon under koronapandemien og samfunnet sitt behov for ferjetransport vert sikra.