2 Forslag
Med bakgrunn i ovannemnde blir det foreslått løyvd 126 100 mill. kroner under kap. 5440, post 24 Driftsresultat, mot tidligare foreslått 138 400 mill. kroner.
Tabell 2.1 Sammenstilling av justert overslag og opphavleg forslag til løyving i St.prp. nr. 1 (2008-2009) under kap. 2440/5440 SDØE (i mill. kroner):
| Kap./post | Nemning | St.prp. nr. 1 for 2009 | Justert overslag for 2009 | Endring | |
|---|---|---|---|---|---|
| Underpost | |||||
| 2440 | 30 | Investeringar | 25 200 | 25 200 | |
| 50 | Overføring til Statens petroleumsforsikringsfond | 1 500 | 1 500 | ||
| Sum kap. 2440 | 26 700 | 26 700 | |||
| 5440 | 24.1 | Driftsinntekter | 204 100 | 191 800 | -12 300 |
| 24.2 | Driftsutgifter | -38 900 | -38 900 | ||
| 24.3 | Leite- og feltutviklingsutgifter | -3 300 | -3 300 | ||
| 24.4 | Avskrivingar | -17 000 | -17 000 | ||
| 24.5 | Renter av statens kapital | -6 500 | -6 500 | ||
| 24 | Driftsresultat | 138 400 | 126 100 | -12 300 | |
| 30 | Avskrivingar | 17 000 | 17000 | ||
| 80 | Renter av statens kapital | 6 500 | 6 500 | ||
| Sum kap. 5440 | 161 900 | 149 600 | -12 300 | ||
| Kontantstraum frå SDØE: | |||||
| Innbetalingar1 | 204 100 | 191 800 | -12 300 | ||
| Utbetalingar2 | 68 900 | 68 900 | |||
| Netto kontantstraum frå SDØE | 135 200 | 122 900 | -12 300 | ||
1 Innbetalingar = driftsinntekter + overføring frå Statens petroleumsforsikringsfond.
2 Utbetalingar = driftsutgifter + leite- og feltutviklingskostnader + investeringar + overføring til Statens petroleumsforsikringsfond.
Netto kontantstraum frå SDØE estimerast no til 122 900 mill. kroner mot tidligare estimat i St.prp. nr. 1 (2008-2009) på 135 200 mill. kroner, ein reduksjon på 12 300 mill. kroner.
Som følgje av ovannemnde blir det foreslått løyvd 394 840 mill. kroner under kap. 2800 Statens pensjonsfond - Utland, post 50 Overføring til fondet, mot tidligare foreslått 407 140 mill. kroner.
Det blir vist til melding frå StatoilHydro ASA om auka utgifter knytt til Snøhvit. SDØEs del av dei auka utgiftene i 2009 utgjer om lag 300 mill. kroner i investeringar og om lag 250 mill. kroner i driftsutgifter. Det er knytt uvisse til om desse auka utgiftene vil føre til endringar i forslag til løyvingar under kap. 2440, post 30 og kap. 5440, post 24.2. Dette har samanheng med den generelle uvissa knytt til gjennomføring av planlagte aktivitetar i SDØE-portefølja gjennom året. I tillegg er det knytt uvisse til om uroa i finansmarknadene vil føre til utsetjing og omprioritering i andre investerings- og oppgraderingsprosjekt, som er planlagt gjennomført i 2009. Dersom det skulle skje, kan investerings- og driftsutgiftene på andre felt bli mindre enn budsjettert. Olje- og energidepartementet vil kome tilbake til ovannemnde endringar i revidert budsjett for 2009.
Det vil bli gitt ei utgreiing om kostnadsutviklinga for Snøhvit i Olje- og energidepartementets proposisjon om endringar i statsbudsjettet for 2008.