2 Framlegg til endringar
Kap. 142 NORADs administrasjon av utanriksstasjonane
Post 01 Driftsutgifter
Det blir gjort framlegg om å løyve 4 mill. kroner som kompensasjon for auka dollarkurs og 2 mill. kroner knytta til tryggingstiltak ved ambassaden i Colombo, Sri Lanka.
Kap. 159 Tilskot til ymse hjelpetiltak
Post 70 Tilskot, kan overførast
Denne løyvinga blir nytta til omdisponering til andre utviklingstiltak. Det er 13 mill. kroner til disposisjon på posten. Ein foreslår at løyvinga blir redusert med 5 mill. kroner.
Kap. 163 Generelle stønader - finansinstitusjonar
Post 70 Innskot i finansinstitusjonar, kan overførast
Det blir gjort framlegg om ein samla reduksjon på 24,2 mill. kroner pga. endra utbetalingsplanar i enkelte institusjonar.
Kap. 190 Humanitær hjelp ved naturkatastrofar
Post 70 Tilskot, kan overførast
I 2000 har det vore fleire ekstraordinære flaum- og tørkekatastrofar, m.a. flaum i det sørlege Afrika, spesielt i Mosambik og tørke på Afrikas Horn. Det er og behov for hjelp til tørkeramma i Kenya, Sør-Asia og Afghanistan.
Det blir gjort framlegg om å auke løyvinga med 45 mill. kroner.
Kap. 191 Menneskerettar, humanitær hjelp og flyktningetiltak
Post 70 Tilskot til menneskerettar, humanitær hjelp og flyktningetiltak, kan overførast
Det er auka behov for hjelp til naudlidande i Great Lakes distriktet og Angola i Afrika, til tiltak i Nord-Korea, Afghanistan, Sri Lanka, Midtausten og Colombia, og til tiltak i regi av UNHCR.
Det blir gjort framlegg om å auke løyvinga med 53,2 mill. kroner.
Kap. 195 Tiltak for flyktningar i Noreg, godkjent som utviklingshjelp
Post 21 Spesielle driftsutgifter
Det viser seg å bli mindre ODA-godkjente flyktningeutgifter i Noreg enn rekna med. Endeleg oversyn over utgiftene i år blir lagt fram i nysalderingsproposisjonen som blir sendt Stortinget i månadsskiftet november/desember 2000. I denne proposisjonen blir det gjort framlegg om ein reduksjon på 75 mill. kroner.