5 Høyringa

Fiskeri- og kystdepartementet sende 13. februar 2007 på høyring eit notat med forslag til endring i akvakulturlova til følgjande instansar:

• Finansdepartementet

• Fornyings- og administrasjonsdepartementet

• Justis- og politidepartementet

• Kommunal- og regionaldepartementet

• Miljøverndepartementet

• Nærings- og handelsdepartementet

• Olje- og energidepartementet

• Fiskeridirektoratet

• Mattilsynet

• Direktoratet for naturforvaltning

• Sametinget

• Statens forureiningstilsyn

• Fiskeri- og Havbruksnæringens Landsforening

• Kommunanes Sentralforbund

• LO v/Fellesforbundet

• Norske Sjømatbedrifters Landsforening

Høyringsfristen var sett til 28. februar 2007. Det vart gjort vedtak om forkorta høyringsfrist på to veker i medhald av Utgreiingsinstruksen sitt pkt. 5.2 jf. pkt. 1.3. Grunngivinga for forkorta høyring var å få fram saka raskt og at framlegget til lovendring er av teknisk karakter og ikkje inneber reelle endringar for næringa.

Det kom inn svært få merknader til forslaget i høyringa. Fiskeri- og Havbruksnæringens Landsforening understrekar forskjellane mellom gebyr og avgift, og at det offentlege får ein breiare lovheimel til å påleggje næringa avgifter. Fiskeri- og havbruksnæringens Landsforening tek til etteretning at endringa vert gjord for å endre kontroll og tilsynsgebyret.