3 EØS-komiteens vedtak

EØS-komiteens vedtak nr. 17/2011 av 1. april 2011 inneber at EØS-avtalens vedlegg XIII (transport) skal endrast.

Artikkel 1 slår fast at europaparlaments- og rådsforordning (EF) 392/2009 av 23. april 2009 om transportørars erstatningsansvar ved ulykker under sjøtransport av passasjerar skal innlemmast som nytt nr. 56x i EØS-avtalen vedlegg XIII.

Artikkel 2 fastset at teksten til forordninga på islandsk og norsk, som skal kunngjerast i EØS-tillegget til Den europeiske unions tidende, skal gjelde.

Artikkel 3 slår fast at vedtaket vert sett i verk 2. april 2011, under føresetnad av at EØS-komiteen har motteke alle meldingar etter avtalen artikkel 103 nr. 1.

Artikkel 4 bestemmer at vedtaket skal kunngjerast i EØS-avdelinga av og EØS-tillegget til Den europeiske unions tidende.