4 Budjettmessige verknader

Forslaget til omlegging av innlånssystemet inneber at kap. 2411, post 90 Lån, overslagsløyving, og kap. 5311, post 01, Gebyr, og post 90, Avdrag, blir redusert til 0. Omlegginga vil gi ein netto auke i renteinntektene til staten på 26 mill. kroner. Inntektene under kap. 5620, post 86 Renter, grunnfinansierings- og lågrisikolåneordninga, aukar med 290 mill. kroner, medan inntektene på 264 mill. kroner som er ført under kap. 5614, post 80 Renter, blir redusert til 0.

Ein legg til grunn ein utlånsmasse til landbruksformål på 4,3 mrd. kroner. Av dette er om lag 2 mrd. kroner langsiktige innlån som blir refinansiert ein gong pr. år, medan resterande 2,3 mrd. kroner er kortsiktige som ein anslår i gjennomsnitt blir refinansiert fem gonger i løpet av 2001. Det vil dermed vere behov for å auke innlånsposten under kap. 2420, post 92 Lån til grunnfinansierings- og lågrisikolåneordninga, overslagsløyving, og den tilhørande avdragsposten under kap. 5320, post 93 Avdrag på uteståande fordringar, grunnfinansierings- og lågrisikolåneordninga, med 13,5 mrd. kroner.