7 Endringar i budsjettforslaget for 2008
Regjeringa fremmar i alt 7 tilleggsnummer til St.prp. nr. 1 (2007 – 2008). Det blir ikkje fremma forslag som inneber endringar i dei samla utgiftene eller inntektene. Det oljekorrigerte underskottet på statsbudsjettet er dermed uendra. Det er heller ikkje fremma forslag som endrar finansieringsbehovet i statsbudsjettet for 2008. Løyvingane over kap. 5800 Overføring fra Statens pensjonsfond – Utland og over kap. 5999 Statslånemidler blir derfor som foreslått i Gul bok 2008.
Oppretting av feil
Kap. 4634 Statens innkrevingssentral
Post 84 Gebyr ved for sent innsendt regnskap m.m.
Post 85 Misligholdte lån i Statens lånekasse for utdanning
I St.prp. nr. 1 (2007 – 2008) Finansdepartementet er forslaget på ein av postane under kap. 4634 Statens innkrevingssentral ved ein feil blitt fordelt på to postar. Dette gjeld forslaga om å løyve 25 mill. kroner på post 84 Gebyr ved for sent innsendt regnskap m.m. og 125 mill. kroner på post 85 Misligholdte lån i Statens lånekasse for utdanning. Desse beløpa på til saman 150 mill. kroner foreslåast derfor samla på post 85 Misligholdte lån i Statens lånekasse for utdanning.
Finansieringsbehovet i folketrygda
I St.prp. nr. 1 Tillegg nr. 2 (2007 – 2008) er det fremma forslag om å auke løyvinga på kap. 2711 Spesialisthelsetjenester mv., post 76 Private laboratorier og røntgeninstitutt med 13,8 mill. kroner i forhold til forslaget i Gul bok 2008. Dei samle løyvingana til folketrygda blir dermed endra, noko som også virker inn på finansieringsbehovet i folketrygda. Statstilskudd til finansiering av folketrygda blir fastsett ved romartalsvedtak, jf. omtale i avsnitt 5.2 i Gul bok 2008. Som følgje av endring i løyvinga på kap. 2711 må også forslaget til romartalsvedtak II under olketrygda i Gul bok 2008 endrast, jf. forslag til romartalsvedtak.