2 Endringar på statsbudsjettet for 2006
Kap. 1800 Olje- og energidepartementet (jf. kap. 4800)
Post 22 Beredskapslagre for drivstoff, kan overførast
Det blir foreslått å auke løyvinga med 3,5 mill. kroner i høve til gjeldande løyving for 2006. Endringa har samanheng med at beredskapslagra blir foreslått avhenda i 2007 i staden for 2006 som tidlegare budsjettert, jf. kap. 4800, post 02. Tidspunkt for salet vert endra av omsyn til å oppnå høgast mogleg pris på dei lagra petroleumsprodukta.
Nytt forslag til løyving blir etter dette 21,5 mill. kroner.
Kap. 1810 Oljedirektoratet (jf. kap. 4810)
Post 21 Spesielle driftsutgifter, kan overførast
Det blir foreslått å auke løyvinga knytt til Oljedirektoratet sin oppdrags- og samarbeidsverksemd med 20,5 mill. kroner i høve til gjeldande løyving for 2006. Endringa har samanheng med høgare aktivitetsnivå enn tidlegare budsjettert. Utgiftsauken blir motsvara av ein tilsvarande inntektsauke under kap. 4810, post 02 Oppdrags- og samarbeidsverksemd.
Nytt forslag til løyving blir etter dette 87,567 mill. kroner.
Kap. 1820 Noregs vassdrags- og energidirektorat (jf. kap. 4820 og 4829)
Post 01 Driftsutgifter
Det blir foreslått å auke løyvinga knytt til NVE sin dam-, miljø- og tryggleikstilsyn med 0,3 mill. kroner. Utgiftsauken blir motsvara av ein tilsvarande inntektsauke under kap. 4820, post 01 Gebyr- og avgiftsinntekter. Endringa har samanheng med at drifsutgifter til verksemda har auka meir enn tidlegare budsjettert.
Nytt forslag til løyving 01 blir etter dette 268,733 mill. kroner.
Kap. 1825 Omlegging av energibruk og energiproduksjon
Post 70 Tilskot til elektrisitetssparing i hushaldningar, kan overførast
I St.prp. nr. 82 (2005-2006) Tiltak for å begrense elektrisitetsbruken i hushaldningar, blei det foreslått å løyve 46 mill. kroner til innføring av ein tilskotsordning til elektrisitetssparing i hushaldningar.
På bakgrunn av ny informasjon om talet på søkarar, blir det foreslått å auke løyvinga under kap. 1825, post 70 med 25 mill. kroner, frå 46 til 71 mill. kroner.
Kap. 2490 NVE Anlegg
Post 24 Driftsresultat
NVE Anlegg har i 2006 hatt eit høgare aktivitetsnivå enn forventa grunna dei store skadeflaumane på Vestlandet hausten 2005 og i Midt-Noreg vinteren 2006. Dei auka løyvingane til sikringstiltak i vassdrag over kap. 1820, post 22 i revidert budsjett 2006 har gjort det mogeleg å ha ein raskare framdrift på utføringa av ekstraordinære reparasjonar, sikringsarbeid og forbyggingar. På den bakgrunn blir overslaget for kap. 2490, post 24.1 Driftsinntekter auka med 13,5 mill. kroner, frå 43 til 56,5 mill. kroner. Vidare blir overslaget for kap. 2490, post 24.2 Driftsutgifter auka med 13,5 mill. kroner, frå 36,5 til 50 mill. kroner.
Tabell 2.1 Endringar under kap. 2490 NVE Anlegg (i 1 000 kr)
| Kap./post/ underpost | Nemning | Gjeldande overslag | Nytt overslag | Endring | |
|---|---|---|---|---|---|
| 2490 | 24.1 | Driftsinntekter | -43 000 | -56 500 | -13 500 |
| 24.2 | Driftsutgifter | 36 500 | 50 000 | 13 500 | |
| 24.3 | Avskrivingar | 5 400 | 5 400 | ||
| 24.4 | Renter av staten sin kapital | 1 100 | 1 100 | ||
| 24.5 | Reguleringsfond | ||||
| 24 | Driftsresultat | 0 | 0 | 0 | |
Ovannemnde endringar i underpostar medførar inga endring i det stipulerte driftsresultatet for NVE Anlegg under kap. 2490, post 24 i høve til gjeldande løyving for 2006.
Kap. 2440/5440 Staten sitt direkte økonomiske engasjement i petroleumsverksemda
Forslag til nye løyvingar er basert på ein oppdatert prognose for 2006 frå Petoro AS. Prognosen frå Petoro er basert på rekneskapsføring per 31. august 2006 og overslag for resten av året. Det er mellom anna stor uvisse knytt til utviklinga i oljeprisen.
Det er lagt til grunn ein gjennomsnittleg oljepris på kr 411 per fat for 2006. I revidert budsjett 2006 blei det lagt til grunn ein gjennomsnittleg oljepris på kr 420 per fat.
Overslaget for kap. 2440, post 30 Investeringar er auka med 100 mill. kroner, frå 22 300 til 22 400 mill. kroner. Ei auke i kostnadane på Snøhvit på 1 mrd. kroner har delvis blitt motverka av kostnadsreduksjonar på fleire felt. Reduksjonane skuldast hovudsakleg følgjande høve:
Lågare boreaktivitet for Troll Olje som følgje av at ein borerigg har blitt brukt til boring av Koggeprospektet.
Redusert boreaktivitet på Åsgard på grunn av omprioritering av riggar.
Utsetjing av prosjektet for auking av prosesseringskapasitet for gass på Heidrun som følgje av at reservergrunnlaget for prosjektet ikkje er tilstrekkeleg modna.
Forsinka boreframdrift på Snorre A som følgje av reparasjonar på borerigg.
Overslaget for kap. 5440, underpost 24.1 Driftsinntekter er auka med 4 000 mill. kroner, frå 177 800 til 181 800 mill. kroner. Endringa skuldast hovudsakleg at forventa gasspris for 2006 er høgare enn det som vart lagt til grunn i revidert budsjett 2006. Dette blir motverka av ein nedjustering i oljeprisen for 2006 frå kr 420 i revidert budsjett til kr 411 per fat i oppdatert budsjett for 2006.
Overslaget for kap. 5440, underpost 24.2 Driftsutgifter er auka med 3 800 mill. kroner, frå 26 300 til 30 100 mill. kroner. Dette skuldast i hovudsak høgare kostnadar knytt til kjøp av gass for vidaresal.
Overslaget for kap. 5440, underpost 24.3 Leite- og feltutviklingsutgifter er redusert med 200 mill. kroner, frå 1 800 til 1 600 mill. kroner. Dette skuldast i hovudsak redusert aktivitet som følgje av mangel på tilgjengelege riggar.
Overslaget for kap. 5440, underpost 24.5 og post 80 Renter av staten sin kapital er auka med om lag med 300 mill. kroner, frå 6 700 til 7 000 mill. kroner. Endringa skuldast hovudsakleg oppdatering av overslag for staten sin faste kapital. Overslaget for kalkulatorisk rente for 2006 er basert på ein rentesats på 3,2 pst.
Endringane nemnd ovanfor fører til at kap. 5440, post 24 Driftsresultat aukar netto med 100 mill. kroner, frå 128 100 til 128 200 mill. kroner.
Kap. 5440, post 50 Overføring frå Staten sitt petroleumsforsikringsfond er budsjettert til 1 500 mill. kroner i faktiske utbetalingar i 2006 knytt til skader og inntektsbortfall på grunn av driftsstans.
Tabell 2.2 Endringar på statsbudsjettet 2006 under kap. 2440/5440 Staten sitt direkte økonomiske engasjement i petroleumsverksemda (i mill. kroner)
| Kap./post/ underpost | Nemning | Gjeldande løyving1 | Forslag til ny løyving | Endring | |
|---|---|---|---|---|---|
| 2440 | 25 | Pro et contra-oppgjer | 16 | 16 | 0 |
| 30 | Investeringar | 22 300 | 22 400 | 100 | |
| 50 | Overføringar til Staten sitt petroleumsforsikringsfond | 1 199 | 1 199 | 0 | |
| Sum kap. 2440 | 23 515 | 23 615 | 100 | ||
| 5440 | 24.1 | Driftsinntekter | 177 800 | 181 800 | 4 000 |
| 24.2 | Driftsutgifter | -26 300 | -30 100 | -3 800 | |
| 24.3 | Leite- og feltutviklingsutgifter | -1 800 | -1 600 | 200 | |
| 24.4 | Avskrivingar | -14 900 | -14 900 | ||
| 24.5 | Renter av staten sin kapital | -6 700 | -7 000 | -300 | |
| 24 | Driftsresultat | 128 100 | 128 200 | 100 | |
| 30 | Avskrivingar | 14 900 | 14 900 | ||
| 50 (ny) | Overføring frå Staten sitt petroleumsforsikringsfond | 1 500 | 1 500 | ||
| 80 | Renter av staten sin kapital | 6 700 | 7 000 | 300 | |
| Sum kap. 5440 | 149 700 | 151 600 | 1 900 | ||
| Kontantstraum frå SDØE: | |||||
| Innbetalingar2 | 177 800 | 183 300 | 5 500 | ||
| Utbetalingar3 | 51 615 | 55 315 | 3 700 | ||
| Nettokontantstraum frå SDØE | 126 185 | 127 985 | 1 800 | ||
1 Gjeldande løyving for 2006 er basert på Stortinget sitt løyvingsvedtak av 12. desember 2005 og seinare endringar i 2006 (revidert budsjett), jf. St.prp. nr. 66 og Innst. S. nr. 205 (2005–2006).
2 Innbetalingar = driftsinntekter + pro et contra-oppgjer ifm. sal av SDØE-eigardelar + overføring frå Staten sitt petroleumsforsikringsfond
3 Utbetalingar = driftsutgifter + leite- og feltutviklingskostnader + investeringar + overføring til Staten sitt petroleumsforsikringsfond + pro et contra-oppgjer ifm. sal av SDØE-eigardelar.
Desse endringane medfører samla sett at netto kontantstraumen frå SDØE blir auka med 1 800 mill. kroner i høve til revidert budsjett, frå 126 185 til 127 985 mill. kroner.
Kap. 4800 Olje- og energidepartementet (jf. kap. 1800)
Post 02 Ymse inntekter
Det er teke avgjerd om å avhende dei resterande lagra av oljeberedskapsprodukt i 2007 i staden for 2006. Tidspunkt for salet vert endra av omsyn til å oppnå høgast mogleg pris på dei lagra petroleumsprodukta. På den bakgrunn er inntektsløyvinga for 2006 redusert med 1 080 mill. kroner til null. Regjeringa vil komme tilbake til endring av løyvinga for 2007 i revidert budsjett til våren.
Kap. 4810 Oljedirektoratet (jf. kap. 1810)
Post 02 Oppdrags- og samarbeidsverksemd
Det blir foreslått å auke løyvinga med 20,5 mill. kroner i høve til gjeldande løyving for 2006, jf. omtale og tilsvarande auke under kap. 1810, post 21.
Nytt forslag til løyving blir etter dette 54,5 mill. kroner.
Kap. 4820 Noregs vassdrags- og energidirektorat (jf. kap. 1820)
Post 01 Gebyr- og avgiftsinntekter
Det blir foreslått å auke løyvinga med 0,3 mill. kroner i høve til gjeldande løyving for 2006, jf. omtale og tilsvarande auke under kap. 1820, post 01.
Nytt forslag til løyving blir etter dette 30,1 mill. kroner.
Kap. 4860 Statnett SF
Post 70 Garantiprovisjon
Løyvinga blir foreslått redusert med 0,8 mill kroner, frå 5,8 til 5 mill. kroner. Endringa har samanheng med at Statnett sin lånemasse med statsgaranti er blitt redusert.