4 Tilhøvet til norsk rett

Gjennomføring av forordninga i norsk rett krev lovendring. Lovendringsframlegget om internasjonal gjesting i mobilnett var på allmenn høyring sommaren 2007. I statsråd 12. oktober la Samferdselsdepartementet fram Ot.prp. nr. 3 (2007 – 2008) om lovendringar i ekomlova.

I Ot.prp. nr. 3 (2007 – 2008) gjer departementet framlegg om å ta inn ei ny føresegn § 4 – 14 om internasjonal gjesting i mobilnett i ekomlova. Føresegna gjev heimel til å gje nærmare forskrifter om internasjonal gjesting i mobilnett. I forskriftsføresegna vil det bli presisert, gjennom ei tilvising til vedtaket som innlemmar forordninga i EØS-avtala, at forordninga gjeld for EFTA-EØS-statane innanfor Det europeiske fellesskapet. Det er viktig å unngå at norske tilbydarar skal måtte inngå einsidige, ulønsame gjesteavtaler med mobiltilbydarar i tredjestatar.

Etter at lovendringa har teke til å gjelde, vert det lagt opp til at sjølve forordninga vert teken inn som vedlegg til ekomforskrifta gjennom ei gjennomføringsføresegn i sjølve forskrifta.