Statsbudsjettet:
1,5 millionar til scenekunstinstitusjonar i Møre og Romsdal
Historisk arkiv
Publisert under: Regjeringen Solberg
Utgjevar: Kulturdepartementet
Pressemelding | Nr: 117/15 | Dato: 07.10.2015
Regjeringa foreslår å auke tilskotet til scenekunst i Møre og Romsdal med 1,5 millionar kroner, mellom anna til barneteater i Ålesund.
Regjeringa foreslår ei samla løyving til scenekunstformål på 2,1 milliardar kroner i budsjettframlegget for 2016.
- Løyvinga til scenekunstinstitusjonane sikrar rammevilkåra for kunstproduksjon og publikumsopplevingar av høg kvalitet, seier kulturminister Thorhild Widvey.
I budsjettframlegget for 2016 er det foreslått å auke tilskotet til fleire regionteater for å styrkje produksjon, formidling og etterspurnad av scenekunst. Mellom anna gjeld dette eit tilskot på 1,5 millionar kroner til Teateret Vårt – Regionteateret i Møre og Romsdal. 1 million kroner går til barneteateret i Ålesund.
Regjeringa foreslår ei ytterlegare styrking og vidareutvikling av gåveforsterkingsordninga til også å omfatte scenekunstfeltet.