2 Bakgrunnen for lovforslaget
2.1 Innleiing
Politiet har sidan opprettinga av lotterilova av 1938 hatt hovudansvar for å utstede løyver til lotteri o.a. Ved etableringa av Lotteritilsynet i 2001 vart nokon av desse oppgåvene overført til Lotteritilsynet. Tilsynet vart også klageorgan for politiets vedtak i lotterisaker.
Ein vesentleg del av politiet si forvaltning av lotterisaker har vore knytt til gevinstautomatane. Frå 1. juli 2007 vart drifta av slike automatar avvikla. Som ei følgje av dette vil vel halvparten av politiet sin ressursbruk på lotterisaker falle bort.
Lotteritilsynet er kontroll- og forvaltningsorganet for lotterisaker her til lands, jf. lotterilova § 4. Lotteritilsynet er et uavhengig tilsynsorgan som administrativt høyrer inn under Kultur- og kyrkjedepartementet. Lotterinemnda er klageorgan for Lotteritilsynets vedtak etter lotterilova, jf. lotterilova § 4 a første ledd.
Oppgåvene som politiet per i dag har etter lotterilova omfattar områda lykkespel, bingo, gevinstautomatar, underholdningsautomatar og tradisjonelle lotteri. Politiet har også etter lotterilova ei rekke kontrolloppgåver knytt til gjennomføring av lotteri. Lotteritilsynet er klageorgan for vedtak politiet har fatta etter lotterilova, jf. lotterilova § 4 første ledd, andre punktum.
Politiet sine oppgåver på lotterifeltet kan delast inn i tre grupper. Den første omfattar dei sakene der ein aktør søkjer om ein generell rett til å skaffe seg inntekter frå lotteriverksemd. Den andre gruppa omfattar søknader om løyve til å gjennomføre sjølve lotteriet, og den siste gruppa omfattar kontrollaktivitetar.
2.2 Lotteritilsynet sin rapport
Den 17. juni 2003 vedtok Stortinget regjeringa sitt forslag i Ot.prp. nr. 44 (2002-2003) Om endringer i pengespill- og lotterilovgivningen . Lovvedtaket innebar m.a. at Norsk Tipping AS skal ha einerett til oppstilling av gevinstautomatar frå 1. januar 2006. Lovvedtaket innebar at politiet sitt ansvar for forvaltning av løyver knytt til gevinstautomatar ville falle bort, og det følgjer av proposisjonen at politiet sine attverande forvaltningsoppgåver etter lotterilova ville bli vurdert overført til Lotteritilsynet, jf. Ot.prp. nr. 44 (2002-2003) pkt. 4.5.4. (s. 31).
I tråd med dette gav departementet 7. oktober 2003 Lotteritilsynet i oppdrag å vurdere konsekvensane av ei eventuell overføring av oppgåver. Mandatet var følgjande:
«I tråd med forutsetningene under pkt. 4.5.4. i proposisjonen anmoder departementet med dette om at Lotteritilsynet etablerer et samarbeid med Politidirektoratet med sikte på en utredning av konsekvensene ved at politiets gjenværende forvaltningsoppgaver etter lotteriloven overføres til Lotteritilsynet. Utredningen bør omfatte en nærmere beskrivelse av følgende forhold:
omfanget av politiets nåværende forvaltningsoppgaver etter lotteriloven
politiets faktisk ressursbruk i tilknytning til forvaltningsoppgaver etter lotteriloven
gebyrinntekter som følge av politiets forvaltningsoppgaver etter lotteriloven
forvaltningsmessige (og eventuelle politifaglige) konsekvenser som følge av at politiets forvaltningsoppgaver etter lotteriloven helt eller delvis overføres til Lotteritilsynet
økonomiske og administrative konsekvenser for både Lotteritilsynet og politiet som følge av at politiets forvaltningsoppgaver etter lotteriloven helt eller delvis, overføres til Lotteritilsynet
Departementet anmoder om at Lotteritilsynets vurdering av ovennevnte forhold sendes departementet innen 1. juli 2004.
I den grad Lotteritilsynet og Politidirektoratet har avvikende syn på de forhold som blir vurdert bør dette framgå av utredningen.»
Lotteritilsynet overleverte rapporten 1. juli 2004 til Kultur- og kyrkjedepartementet. Rapporten er utarbeidd i dialog med Politidirektoratet og opplysningar er innhenta frå alle dei 27 politidistrikta.
I rapporten vart det konkludert med at ei overføring av politiet sine oppgåver etter lotterilova til Lotteritilsynet ville medføre vesentlege effektiviseringsgevinstar og bidra til å sikre likebehandling og betre kvalitet på sakshandsaminga i desse sakene. Rapporten konkluderer med at ei overføring av oppgåvene vil vere føremålsteneleg av omsyn til behova til brukarane, til tross for at Lotteritilsynet ikkje vil ha den same nærleik til brukarane som politiet i mange tilfeller vil ha. Overføringa vil også medføre ei meir føremålstenleg samling av desse sakene hos ein etat med særskilt kompetanse på feltet.
Departementet gjer merksam på at rapporten vart utforma under føresetnad av at Norsk Tipping skulle verte tildelt einerett for oppstilling av gevinstautomatar frå og med 1. januar 2006. Grunna sivile rettsprosessar, både for nasjonale domstolar og EFTA-domstolen, har iverksetjinga av reforma som vart føreslått i Ot.prp. nr. 44 (2002-2003) vorte utsett. Den norske stat har no fått fullt medhald for at Stortinget sitt vedtak av 2003 er i samsvar med norske EØS-rettslige plikter. Norsk Tippings spelterminalar skal etter planen verte oppstilt i 2008.
2.3 Høyring av forslag om overføring av politiets forvaltningsoppgåver etter lotterilova til Lotteritilsynet
Kultur- og kyrkjedepartementet sendte Lotteritilsynets rapport på høyring den 8. november 2004. Høyringsfristen vart sett til 20. desember 2004. Adressatar for høyringsbrevet 8. november 2004 var:
Barne- og familiedepartementet
Finansdepartementet
Helsedepartementet
Justisdepartementet
Landbruksdepartementet
Nærings- og handelsdepartementet
Sosialdepartementet
Barneombodet
Brønnøysundregistra
Forbrukarombodet
Justervesenet
Kripos
Landets politidistrikt
Lotterinemnda
Norsk Petroleumsinstitutt
Norsk Rikstoto
Norsk Tipping AS
Politidirektoratet
Riksrevisjonen
Skattedirektoratet
Statens Innkrevingssentral
Østnorsk kompetansesenter
Bellona
Care Norge
De 10 Humanitære AS
Den Norske Kreftforening
Dysleksiforbundet i Norge
Flyktningerådet
Frelsesarmeen
Handels- og servicenæringens hovedorganisasjon
Handikappede barns foreldreforening
Indremisjonsforbundet
Innsamlingskontrollen i Norge
Juvente
Landsforeningen for hjerte- og lungesyke
Landsforeningen for kvinner med bekkenløsning
Landsforeningen for polioskadde
Landsforeningen for støtte ved krybbedød
Landsforeningen for trafikkskadde
Motorførernes avholdsforbund
Nasjonalforeningen for folkehelsen
Norges Astma- og allergiforbund
Norges Automobilforbund
Norges Bokseforbund
Norges Blindeforbund
Norges Bordtennisforbund
Norges Bryteforbund
Norges Bygdeungdomslag
Norges Døve-Ungdomsforbund
Norges Fotballforbund
Norges Friidrettsforbund
Norges Handikapforbund
Norges Håndballforbund
Norges Idrettsforbund
Norges Ishockeyforbund
Norges KFUK-KFUM
Norges Klatreforbund
Norges Miljøvernforbund
Norges Musikkorpsforbund
Norges Naturvernforbund
Norges Røde Kors
Norges Seilerforbund
Norges Skiforbund
Norges Svømmeforbund
Norges Volleyballforbund
Normisjon
Norsk Amatørteaterråd
Norsk Folkehjelp
Norsk forbund for psykisk utviklingshemmede
Norsk Foreldrelag for funksjonshemmede
Norsk Forening for Pengespillproblematikk
Norsk Musikkråd
Norsk Organisasjon for Asylsøkere
Norsk Psoriasisforbund
Norsk Revmatikerforbund
Norske kvinners sanitetsforening
Norske Trekningslister
Næringslivets Hovedorganisasjon
Organisasjonen Voksne for barn
Orienteringsforbundet
Oslo Idrettskrets
Private barnehagers landsforbund
Redd Barna
Redningsselskapet
Regnskogsfondet
Rådet for psykisk helse
Sjømannskirken – Norsk kirke i utlandet
SOS Rasisme
Stiftelsen Fadderbarnas Fremtid
Stiftelsen helse og rehabilitering
Stiftelsen Sofielund
Stiftelsen SOS barnebyer Norge
Ungdom mot narkotika
Entreprenørar:
Bingo- og lotteriforbundet
Holland Bingo
Humanitære spill
Norsk Automatbransjeforening (NOAF)
Norsk Cirkus- og Tivoliforening
Norsk lokalradioforbund
Norsk Lotteridrift ASA
Per Rosenblad Brun
Røde Kors automatene
Samarbeidsutvalg for Norsk Humanitær Automatvirksomhet (SUNHA)
Tippekommisjonærenes landsforening
Kultur- og kyrkjedepartementet mottok 22 høyringssvar innan høyringsfristen. Følgjande har sendt inn høyringssvar:
Barne- og familiedepartementet
Helse- og omsorgsdepartementet
Landbruks- og matdepartementet
Nærings- og handelsdepartementet
Barneombudet
Brønnøysundregistra
Helgeland politidistrikt
Justervesenet
Kripos
Politidirektoratet
Romerike politidistrikt
Skattedirektoratet
Statens innkrevingssentral
Vestfold politidistrikt
Handels- og Servicenæringens Hovedorganisasjon
Indremisjonsforbundet
Motorførernes Avholdsforbund
Norges Handikapforbund
Norges Idrettsforbund og Olympiske Komité
Norsk Cirkus- og Tivolieierforening
Norsk Psoriasisforbund
Næringslivets Hovedorganisasjon
Av desse hadde følgjande ingen realitetsmerknader til høyringsbrevet og Lotteritilsynet sin rapport om overføring av politiet sine oppgåver etter lotterilova til Lotteritilsynet:
Barne- og likestillingsdepartementet
Helse- og omsorgsdepartementet
Landbruks- og matdepartementet
Nærings- og handelsdepartementet
Brønnøysundregistra
Justervesenet
Kripos
Skattedirektoratet
Indremisjonsforbundet
Næringslivets Hovedorganisasjon
Høyringsinstansane sine synspunkt vil verte omtalt ved drøftinga av dei enkelte spørsmåla nedanfor i kapittel 3.