Forslag til endring i første ledd første punktum er ei stadfesting av at det er Lotteritilsynet som har mynde til å gi løyve og godkjenning eller lotterilova. Denne føresegna erstattar føresegna i noverande § 4 b som vert føreslått oppheva, jf. omtale nedanfor.

Endringa i første ledd, siste punktum inneber at tilvisinga til Lotteritilsynet som klageorgan for politiet sine vedtak etter lotterilova vert fjerna frå § 4 første ledd, andre punktum.

Forslaget medfører at § 4 b vert oppheva. Føresegna vert rekna som overflødig ved den føreslagne omlegginga av lotteriforvaltninga og endringar i § 4 første ledd.

Forslaget inneber at Lotteritilsynet sin heimel til å delegere myndigheit til å autorisere lokalinnehavarar vert oppheva. Dette vert gjort ved at andre ledd, andre punktum vert oppheva.

Forslaget inneber at paragrafen sitt andre ledd vert endra ved at «politiet» vert fjerna frå føresegna. Dette medfører at politiet ikkje lenger vert nemnd blant dei som kan foreta førehands- og etterhandstrekning av lotteri. Departementet lar det likevel vere rom for å delegere fullmakt til å foreta trekning til anna styresmakt enn Lotteritilsynet, herunder politiet, dersom det skulle vere behov for det. I tillegg til dette vert det gjort ei lovteknisk endring, ved at omgrepet «etterskuddstrekning» vert erstatta av «etterhåndstrekning», slik at bruken av omgrep blir meir lik lotterilova § 7 første ledd bokstav b). Dette inneber inga endring i paragrafen sitt virkeområde.