2 Bakgrunn og høyring
2.1 Køyretøykontrollpakka
2.1.1 Innleiing
EU vedtok 3. april 2014 som eit ledd i satsinga på trafikktryggleik, tre direktiv på køyretøykontrollområdet: Europaparlaments- og rådsdirektiv (EU) nr. 2014/45 om «felles regler for periodisk kjøretøykontroll og om opphevelse av rådsdirektiv 2009/40/EF», direktiv (EU) nr. 2014/46 om «visse endringer i direktiv 1999/37 om felles regler for kjøretøyets registreringsdokumenter» og direktiv (EU) nr. 2014/47 om «felles regler for kontroll av nyttekøyretøy langs veg og om opphevelse av rådsdirektiv 2000/30/EF». Til saman er rettsaktene omtala som «køyretøykontrollpakka». Formålet med direktiva er å styrkje kontrollen med krava til at køyretøy er sikre og miljøvennlege i bruk.
Det er nødvendig med lovendring for å ta inn direktiv 2014/45/EU og 2014/47/EU i norsk rett. Stortinget har alt samtykt til at direktiva skal inn i EØS-avtala, jf. Prop. 144 S (2015–2016). Fristen for å innlemme direktiva i nasjonalt regelverk var 20. mai 2017, og frist for at dei skal teke til å gjelde er 20. mai 2018.
2.1.2 Kontroll av tunge køyretøy langs veg – Direktiv 2014/47/EU
Direktiv 2014/47/EU erstattar direktiv 2000/30/EF om utekontroll, som er gjennomført i norsk rett i forskrift 13. mai 2009 nr. 590 om kontroll av kjøretøy langs veg med heimel i vegtrafikkloven § 19 andre ledd og § 43. Det blir vist til Prop. 144 S (2015–2016) pkt. 2.3 jf. pkt. 4.
Direktivet fører langt på veg vidare gjeldande reglar, men skjerper likevel krava til teknisk kontrollutstyr langs veg, krava til kompetanse og metodar hos kontrollørane, og krav til vurderingar og oppfølging av manglar som er påviste ved køyretøya. Vidare blir det stilt krav om at kontrollane skal vere målretta og baserte på risiko, og medlemsstatane må innføre eit risikoklassifiseringssystem. Direktivet opnar for at medlemsstatane kan krevje gebyr dersom det er manglar ved køyretøyet.
Departementet vurderer det som tenleg å lovfeste at ein kan sette kriterier for utveljing av kjøretøy og at ein kan gi forskrifter om krav til kompetanse for utekontrollørar.
2.1.3 Kontrollorgan for periodisk køyre- tøykontroll – Direktiv 2014/45/EU
Direktiv 2014/45/EU erstattar direktiv 2009/40/EF som er gjennomført i norsk rett i forskrift 13. mai 2009 nr. 591 om periodisk kontroll av kjøretøy (heretter forskrift om periodisk køyretøykontroll) med heimel i vegtrafikkloven § 19 andre ledd første setning.
Sjølv om direktiv 2014/45/EU langt på veg fører vidare gjeldande reglar, blir det fastsett nye krav til kompetanse, opplæring, vandel og krav om personleg godkjenning for kontrollørane i kontrollorgana, jf. art. 13, som krev lovheimel. Direktivet fastset òg meir omfattande krav til tilsyn med kontrollorgan og med dei som driv med opplæring, og skjerper kravet til habilitet for kontrollpersonell.
Direktivet vil bli gjennomført ved endring av vegtrafikkloven og ved endringar i forskrift om periodisk køyretøykontroll.
2.2 Ny fartsskrivarforordning (EU) 165/2014
Den nye fartsskrivarforordninga erstattar rådsforordning (EØF) 3821/85, og vil i hovudsak bli gjennomført ved endringar i forskrift 2. juli 2007 nr. 877 om køyre- og kviletid, og endringar i forskrift 15. oktober 2008 nr. 1116 om fartsskrivarverkstader. Forordninga inneheld likevel føresegner som er vurderte å krevje lovendring: Artikkel 24, 38 og 39 inneber krav til at installatørar, fartsskrivarverkstader og fabrikantar er kompetente og pålitelege, m.a. eit krav til habilitet og godt omdømme, at ein nasjonalt har høvelege tiltak for å sikre handheving og krav til utdanning av kontrollmedarbeidarar. Vidare foreslår departementet ei endring i ordlyden i § 32, for å presisere at også føretak kan straffast for brot på køyre- og kviletidsreglane gjort i utlandet.
Utover dei føresegnene som krev lovendring, inneheld forordninga einskilde artiklar som gir Kommisjonen rett til å peike ut organ for utferding av somme sertifikat og ei prosedyre for tvisteløysing.
2.3 Andre foreslåtte lovendringar
Departementet har vurdert at det er eit behov for å modernisere reglane om godkjenning og tilsyn på køyretøyområdet i vegtrafikkloven §§ 19, 19 a, 19 b og 19 c, jf. 13 femte ledd, uavhengig av krava etter EØS-avtala. Endringane gjeld mellom anna forskriftsheimel for generelle krav til spesialverkstader, presisering av heimlar for tilsyn, nye forvaltningsreaksjonar og gebyr for godkjenning, tilsyn og kontroll langs veg. Framlegget til endring som gjeld ordinære køyretøyverkstader i vegtrafikkloven § 19 b er fullt ut grunna i nasjonale behov, ettersom ordinære køyretøyreparasjonar ikkje er omfatta av EØS-retten.
2.4 Høyringa
På vegne av Samferdselsdepartementet sende Vegdirektoratet 3. juli 2016 på høyring eit framlegg om endringar i vegtrafikkloven §§ 13, 19, 19a, 32 og framlegg om ny §§ 19 b, 19 c og 19 d. Høyringsnotatet blei gjort offentleg på nettsidene til Statens vegvesen og sendt til følgjande instansar:
Departementa
Arbeidsdirektoratet
Direktoratet for forvaltning og IKT
Direktoratet for Arbeidstilsynet
Direktoratet for samfunnssikkerhet og beredskap
Helsedirektoratet
Klima- og forurensningsdirektoratet
Kystverket
Politidirektoratet
Statens vegvesen sine regionvegkontor
Tolldirektoratet
Utlendingsdirektoratet
Utdanningsdirektoratet
Fylkesmennene
Sysselmannen på Svalbard
Fylkeskommunane
Brønnøysundregistera
Datatilsynet
Forbrukarombodet
Forbrukarrådet
Forsvarsstaben
Helse Sør-Øst RHF
Helsetilsynet
Jernbaneverket
Konkurransetilsynet
KRIPOS
Kystverket
Norsk institutt for luftforskning
Regjeringsadvokatembetet
Riksadvokatembetet
Sametinget
Sivilombodsmannen
Statens arbeidsmiljøinstitutt
Statens innkrevingssentral
Statens Jernbanetilsyn
Teknologisk institutt
Utdanningsforbundet
Transportøkonomisk institutt
Økokrim
Alpinanleggenes Landsforening
American Car Club of Norway
Arbeidsgiverforeningen SPEKTER
ATV-importørenes Forening
Autobransjens Leverandørforening
Akademikerne
Autoriserte Trafikkskolers Landsforbund
AVYO Arbeids- og Velferdstilsattes Yrkesorganisasjon
Betongelementforeningen
Betongindustriens Landsforening
Bilimportørenes Landsforening
Bransjegruppen for Påbygg og Karosseri
Byggenæringens Landsforening
Dekkimportørenes forening
Delta
Den Norske Advokatforening
Den Norske Dommerforening
Emergency Care
Fagforbundet
Finnmarkseiendommen
Firehjuls Mopedenes Importør Forening
Forbundet for Ledelse og Teknikk
Foreningen Byfolk
Forlaget Bjørgu Anlegg/Transport
Forsvarets Kompetanesenter for Vognførerutdanning
Forsvarets Logistikkorganisasjon
Entreprenørforeningen for Bygg og Anlegg
Frie Bilimportørers Forening
Glass- og fasadeforeningen
Grønn Hverdag Miljøheimevernet
HMS-faglig forum
HSH Arbeidsgiveravdelingen
Kommunenes Sentralforbund
Kongelig Norsk Automobilklub
Landsforbundet av Motorhistoriske Kjøretøyklubber
Landsorganisasjonen i Norge
Lastebileiernes Forening
Longyearbyen lokalstyre
NHO Logistikk- og Transport
Maskinentreprenørenes Forbund
Maskingrossistenes Forening
Motorførernes Avholdsforbund
Motorsykkelimportørenes Forening
Nasjonalt organ for kvalitet i utdanningen (NOKUT)
NSB Hovedadministrasjonen
Natur og Ungdom
Naturvernforbundet
NHO Transport
NITO
NKI fjernundervisning
Norges Automobil-forbund
Norges Bilbransjeforbund
Norges Bilsportforbund
Norges Bilutleieforbund
Norges Bonde- og småbrukarlag
Norges Bondelag
Norges Caravanbransjeforbund
Norges Juristforbund
Norges Lastebileier-Forbund
Norges Lensmanns- og politilederlag
Norges Motorsportforbund
Norges Taxiforbund
Norges Turbileierforbund
Norges Røde Kors
Norsk Akkreditering
Norsk Arbeidsmandsforbund
Norsk Bobil og Caravan Club
Norsk Bobilforening
Norsk Cirkus og Tivolieierforbund
Norsk Elbilforening
Norsk Forening for Spesielle og Ombygde Kjøretøy (NFSOK)
Norsk Forbund for fjernundervisning og fleksibel utdanning
Norsk Industri
Norsk Jernbaneforbund
Norsk Motorcykkel Union (NMCU)
Norsk Motorklubb
Norsk Sidevogn Klubb
Norsk Tjenestemannslag
Norsk Trafikkmedisinsk Forening
Norsk Transportarbeiderforbund
Norsk Veteranvogn klubb
Norvegfinans
Næringslivets Hovedorganisasjon NHO
Næringslivets sikkerhetsorganisasjon
Opplysningsrådet for Veitrafikken
PARAT
Politiembetsmennenes Landsforening
Politiets fellesforbund
Samarbeidsforum for opplæringsvirksomheter innen transport og logistikkfag i Norge (SOTIN)
SINTEF
Skolenes Landsforbund
Snøscooterimportørenes Forening
Statstjenestemannsforbundet
Syklistenes Landsforening
The Scandianvian Tire & Rim Organization
Traktor- og landbruksmaskinimportørenes forening/Virke
Trafikkforsikringsforeningen
Trygg Trafikk
Yrkestrafikkforbundet
YS
Viking Redningstjeneste
Justisministeriet, Danmark (D)
Transportministeriet, D
Trafik- og Byggestyrelsen, D
Rigspolitiet, D
Vejdirektoratet, D
Danske Busvognmænd, D
Arbets- og näringsministeriet, Finland (F)
Kommunikationsministeriet, F
Trafi Trafiksäkerhet, F
Näringsdepartementet, Sverige (S)
Arbeidsmiljöverket, S
Arbejdstilsynet, S
Vägverket, S
Motormännens Riksforbund, S
Vinnueftirlit Rikisins, Island
Det kom inn i alt 37 svar på høyringa. Følgjande høyringsinstansar har uttalt seg om forslaget:
Datatilsynet
Direktoratet for samfunnssikkerhet og beredskap
Politidirektoratet
Statens vegvesen Region nord
Statens vegvesen Region sør
Statens vegvesen Region vest
Statens vegvesen Region øst
Autoriserte trafikkskolers landsforbund (ATL)
Autobransjens Leverandørforening
Bilimportørenes landsforening (BIL)
Forsvarsmateriell
Kongelig Norsk Automobilklub (KNA)
Landsorganisasjonen i Norge (LO)
Nettbuss AS
NHO Transport
Norges bilbransjeforbund (NBF)
Norges lastebileier-forbund (NLF)
Norsk Motorcykkel Union (NMCU)
Høyringsinstansane er i hovudsak positive. Fleire uttaler at det har vore utfordrande å vurdere alle sider av framlegget då det er avgrensa til lovheimlar, som i stor grad gir grunnlag for nærare forskrifter.
Ein del av høyringsfråsegnene gjeld endring av forskrift. Departementet syner til at desse fråsegnene vil bli vurderte i samband med fastsetting av forskrifter.