6 Vurdering og tilråding

Noreg tek del i utdanningssamarbeidet i EU i medhald av EØS- avtala. Avgjerda er i tråd med norske utdannings- og helsepolitiske interesser som gjeld styrking av fysisk aktivitet i grunnopplæringa og samarbeid mellom fleire samfunnsaktørar om å fremje folkehelsa gjennom kunnskap og førebyggjande tiltak. Avgjerda er òg i tråd med norske interesser når det gjeld den europeiske dimensjonen i opplæring og utdanning.

Utdannings- og forskingsdepartementet rår til at Noreg tek del i avgjerda i EØS-komiteen om endring av protokoll 31 til EØS-avtala til å omfatte europaparlaments- og rådsavgjerd nr. 291/2003/EF av 6. februar 2003 om det europeiske året for utdanning gjennom idrett 2004. Utanriksdepartementet sluttar seg til dette.