Forslag til vedtak om fullmakt til å ta opp statslån o.a., og om utlån av statspapir med trygd i eller byte med obligasjonar med fortrinnsrett
I
Finansdepartementet får ei samla fullmakt til å ta opp nye langsiktige innanlandske statslån i 2008 og 2009 til eit beløp av 450 000 mill. kroner.
II
Finansdepartementet får fullmakt til å ha uteståande kortsiktige marknadslån til eit beløp av 430 000 mill. kroner i 2008 og 2009.
III
Finansdepartementet får fullmakt i 2008 og 2009 til å ta imot innskot i form av kontolån frå statsinstitusjonar og statlege fond, og frå institusjonar som ved særlege høve kan bli pålagde å plassere likviditet som kontolån til staten.
IV
Finansdepartementet si fullmakt til å inngå rentebyteavtalar og tilsvarande derivatavtalar blir vidareførd i 2008 og 2009
V
Finansdepartementet får i 2008 og 2009 fullmakt til utlån av statspapir med trygd i eller byte med obligasjonar med fortrinnsrett innanfor ei samla ramme på 350 000 mill. kroner.