3 Avgjerda i EØS-komiteen

I følgje avgjerd i EØS-komiteen nr. 73/2004 av 8. juni 2004 skal vedlegg IX til EØS-avtala endrast.

Avgjerda inneheld ei innleiing og 4 artiklar. I innleiinga vert det vist til EØS-avtala, og særleg artikkel 98, som gjer det mogleg å endre vedlegga til avtala gjennom avgjerd i EØS-komiteen.

Artikkel 1 slår fast at vedlegg IX nr. 24 (europaparlaments- og rådsdirektiv 2001/34/EF) skal endrast som følgje av direktiv 2003/71/EF, og at direktiv 2003/71/EF om prospekt som skal offentleggjerast når verdipapir vert tilbydde ålmenta eller vert tekne opp til handel, skal takast inn som nytt punkt nr. 29b i vedlegg IX til EØS-avtala.

Artikkel 2 slår fast at teksta til direktivet på islandsk og norsk, som vil verte kunngjord i EØS-tillegget til Tidend for Den europeiske unionen, skal gjelde.

Artikkel 3 slår fast at avgjerda tek til å gjelde 9. juni 2004, på det vilkåret at EØS-komiteen har motteke alle meldingar i medhald av artikkel 103 nr. 1 i avtala.

Artikkel 4 slår fast at avgjerda i EØS-komiteen skal kunngjerast i EØS-avdelinga av og EØS-tillegget til Tidend for Den europeiske unionen.