Post 70 Kjøp av sjøtransporttenester på strekninga Bergen - Kirkenes

I St.prp. nr. 24 (2008-2009) blei det gjort greie for resultatet av tingingane om ei revidert avtale mellom staten og Hurtigruten ASA, jf. også Innst. S. nr. 92 (2008-2009). Selskapet skal m.a. få kompensert for innføring av NOx-avgift.

Ved handsaminga av St.prp. nr. 67/Innst. S. nr. 355 (2008-2009) blei løyvinga til Hurtigruten ASA auka med 7,2 mill. kr som kompensasjon for selskapet sine innbetalingar til NOx-fondet for andre halvår 2008. Tilsvarande foreslår Samferdselsdepartementet no å auka løyvinga på kap. 1330, post 70 Kjøp av sjøtransporttenester på strekninga Bergen – Kirkenes, med 5,9 mill. kr som kompensasjon for Hurtigruten ASA sine innbetalingar til NOx-fondet for første halvår 2009.