6 Økonomiske og administrative konsekvensar

Lovreguleringa vil i seg sjølv ikkje ha særlege økonomiske eller administrative konsekvensar.

Bruk av ERIC-forma vil gi ei viss forenkling av den offentlege, administrative oppfølginga av norsk deltaking i felleseuropeiske forskingsinfrastrukturar. Dei administrative konsekvensane for Brønnøysundregistra ved registrering av ERIC vil bli svært små.

Lova vil ikkje ha konsekvensar for private aktørar.

Økonomiske konsekvensar av faktisk å etablere ERIC i Noreg (medlemsavgifter og vertskapsbidrag, og eventuelt avgiftsfritak) må ein ta stilling til for kvart enkelt ERIC.