3 Avgjerda i EØS-komiteen

I samsvar med avgjerd i EØS-komiteen nr. 92/2006 av 7. juli 2006 skal vedlegg XIX til EØS-avtala (Forbrukarvern) endrast.

Avgjerd i EØS-komiteen nr. 92/2006 av 7. juli 2006 inneheld ei innleiing og fire artiklar. I innleiinga vert det vist til EØS-avtala, og særleg artikkel 98, som gjer det mogleg å endre vedlegga til avtala gjennom avgjerd i EØS-komiteen.

Artikkel 1 slår fast at i vedlegg XIX til EØS-avtala etter nr. 7e (europaparlaments- og rådsdirektiv 1999/44/EF) skal nytt nr. 7f lyde:

«7f. 32004 R 2006: Europaparlaments- og rådsforordning (EF) nr. 2006/2004 av 27. oktober 2004 om samarbeid mellom nasjonale styresmakter med ansvar for handheving av forbrukarvernlovgjeving (forordninga om forbrukarvernsamarbeid) (EUT L 364 av 9.12.2004, s. 1)».

Artikkel 2 fastset at teksta til rettsaktene på islandsk og norsk, som vil verte kunngjorde i EØS-tillegget til Tidend for Den europeiske union, skal gjelde.

Artikkel 3 slår fast at avgjerda tek til å gjelde 8. juli 2006 på det vilkåret at EØS-komiteen har motteke alle meldingar etter artikkel 103 nr. 1 i avtala.

Artikkel 4 slår fast at avgjerda i EØS-komiteen skal kunngjerast i EØS-avdelinga av og EØS-tillegget til Tidend for Den europeiske unionen.