2 Bakgrunn

I St. prp. nr. 1 (2007-2008) blei redningshelikoptertenesta styrkt med om lag 160 mill. kr til drift og investeringar i samband med etablering av tilstadevakt ved redningshelikopterbasane på Ørland og Rygge, etablering av ny redningshelikopterbase i Florø, auka vedlikehaldskostnadar og vidareføring av prosessen for kjøp av nye redningshelikopter. Forsvarsdepartementet har gjort ein ny gjennomgang av kostnadane til redningshelikoptertenesta. Denne viser ytterlegare auka kostnadar for å kunne oppretthalde redningshelikoptertenesta på det nivået som er vedtatt. Som fylje av dette har redningshelikoptertenesta i handsaminga av St.prp. nr. 59 (2007-2008) blitt tilført ytterlegare 15 mill. kr til drift i 2008, jf. Innst. S. nr. 270 (2007-2008). Med årsak i signala våren 2008 har Forsvarsdepartementet og Justisdepartementet gjort ei grundig vurdering av stoda. Det er framleis økonomiske utfordringar for å kunne oppretthalde redningshelikopterberedskapen for 2008.