5 Programkategori 21.50 Jernbaneformål
Kap. 1350 Jernbaneverket (jf. kap. 4350)
Post 22 Omstruktureringskostnader
I samband med konkurranseutsetjinga av vedlikehaldet i Jernbaneverket er det i 2005 løyvd midlar til omstillingstiltak, jf. omtale i St.prp. nr. 65/Innst. S. nr. 240 (2004-2005) og St.prp. nr. 1 (2005-2006) og St.prp. nr. 1 Tillegg nr. 1 (2005-2006). Fleire personar enn rekna med har valt sluttpakke, etableringsstøtte og/eller studiestøtte med eingongsutbetaling i 2005. Departementet foreslår derfor å auke løyvinga på kap. 1350, post 22 Omstillingskostnader, med 30 mill. kr.
Feilføring i statsrekneskapen
Baneservice AS ble stifta i desember 2003 for å førebu omdanninga av Jernbaneverkets forretningseining BaneService til aksjeselskap. Fram til omdaninga var gjennomført skulle utgiftene til selskapet dekkjast på kap. 1355 BaneService, post 70 Tilskot til drift, mot tilsvarande innsparing på kap. 1350, post 23 Drift og vedlikehald, jf. St.prp. nr. 29/Innst. S. nr. 90 (2003-2004) og St.prp. nr. 63/Innst. S. nr. 250 (2003-2004). Jernbaneverket utbetalte i 2004 godtgjersle til styret. Utbetalinga ble ved ein feil rekneskapsført på ein balansekonto og kom derfor på mellomværet mot statskassa (gjeld til statskassa) i staden for på kap. 1355, post 70. For å rette opp feilen i Jernbaneverkets rekneskap for 2004 foreslår departementet at Jernbaneverkets mellomvære med statskassa i 2005 blir korrigert med 1 080 000 kr mot konto for forskuvingar i balansen, jf. forslag til romertalsvedtak.