Kommentar

BP vil i utgangspunktet søkje å få i stand eit samarbeid med Statoil for å inngå i den eksisterande forsyningstenesten på Haltenbanken. Dersom BP skal kontrahere eit eige farty vektlegg BP HMS, i tillegg til tekniske og økonomiske forhold, med høge krav. Gassdrive farty er ikkje einaste måten å redusere utslepp til luft. BP har nyleg har inngått to langtidskontraktar for forsyningsfarty for felta sør i Nordsjøen, Ula, Valhall og Gyda. Desse fartya er utstyrt med katalysatorar på motorane. Saman med gevinstar på blant anna skrogform vil dette gje reduserte NOx-utslepp på rundt 90 prosent, det vil sei at dei to skipa i følgje BP vil gje omtrent like låge utslepp som gassdrivne skip.

Kommentar

Kraft frå land

Operatøren har gjennomført ein studie der kraft frå land til feltet er vurdert. Dei viser til at det i dag ikkje finnest naudsynte tekniske løysingar for å elektrifisere eit produksjonsskip med svivel på så djupt vatn. Ei slik teknisk løysing vil gjere at ein må ta ein straumkabel 370 meter opp frå botnen, gjennom svivelen og sende ca 80 MW ved 80kV ut av svivelen ved hjelp av sleperingar. Å utvikle og teste ut ei slik teknisk løysing fører med seg store tekniske utfordringar og usikkert tidsløp i forhold til framdrifta i prosjektet. Dette er hovudgrunnen til at kraft frå land til Skarv vart forkasta og nye planar om gasskraftverk ville ikkje endra konklusjonen.

Baseverksemd

BP viser til at ved reine bedriftsøkonomiske omsyn ville Stavanger kome best ut, med Kristiansund som nummer to. Dei største verknadene for samfunnet, særleg i form av regionale verknader, får ein ved å etablere basefunksjon og ein del driftsstøttefunksjonar i Sandnessjøen.

Departementet vurderer det slik at den valde løysinga gjev ein god balanse mellom kostnadseffektivitet og stimulans til regionale ringverknader.

Kommentar

Baseverksemd

Løysinga bryt ikkje med etableringsmønsteret når det gjeld basemiljø fordi det allereie er ein eksisterande helikopterbase i Brønnøysund og ein forsyningsbase i Sandnessjøen. Etablering av ei drifsttøtteeining til ei etablert baseverksemd styrkjar den eksisterande basestrukturen, og er såleis ikkje noko brudd med denne.

Ringverknader

BP opplyser at grunnlaget for konklusjonane med omsyn til sysselsetjingsverknader av lokalisering i følgje konsekvensutgreiinga er gjort innanfor eit usikkerhetsspenn på 20-30 prosent, og at dette er det beste resultatet ein kan få med det modellgrunnlaget som finnest. BP vil i samarbeid med lokale kunnskapsorganisasjonar etterprøve dei samfunnsøkonomiske anslaga i konsekvensutgreiinga. Når utbyggingsprosjektet er ferdig vil BP gjennomføre ei etterprøving av regionale og lokale vare- og tenesteleveransar, inkludert sysselsetjingseffekter. I driftsfasen vil det bli gjort ei evaluering etter to til tre års drift over kva deltaking det lokale og regionale næringslivet har oppnådd og kva ringverknader drifta har ført med seg.

Kommentar

Kraft frå land

BP har gjennomført ein studie der kraft frå land til feltet er vurdert. Dei viser til at det i dag ikkje finnest dei naudsynte tekniske løysingar for å elektrifisere eit produksjonsskip med svivel på så djupt vatn. Ei slik teknisk løysing vil gjere at ein må ta ein straumkabel 370 meter opp frå botnen og gjennom svivelen og sende ca 80 MW ved 80kV ut av svivelen ved hjelp av sleperingar. Å utvikle og teste ut ei slik teknisk løysing fører med seg store tekniske utfordringar og usikkert tidsløp i forhold til framdrifta i prosjektet.

Base- og driftsstruktur

BP har for små operasjonar i Noreg til å etablere to sjølvstendige driftsmiljø. I lokaliseringsstudien i konsekvensutgreiinga forklarar BP kvifor det ikkje er mogleg å flytte reservoarstyring, boring og brønnintervensjonar ut frå Stavanger. Selskapet er avhengige av å dra nytte av synergieffektar mellom driftsorganisasjonane sine i Stavanger og av å dele fagressursar mellom desse. BP meiner heller ikkje at løysinga bryt med etableringsmønsteret når det gjeld basemiljø. Det er allereie ein eksisterande helikopterbase i Brønnøysund og ein forsyningsbase i Sandnessjøen. BP ser heller ikkje at ein modell med driftsstøtteeining i Sandnessjøen skulle styrkje Stjørdal sin posisjon for å få resten av driftsorganisasjonen. BP sitt undergrunnsmiljø ligg i Stavanger, og ein ønskjer å hente ut synergieffektar ved å knyte undergrunnsaktivitetane opp mot dette. BP kan ikkje sjå at det er mogleg å hente ut slike synergieffektar ved ei etablering i Stjørdal. BP vil også påpeike at lokalisering av ei driftsstøtteeining til Sandnessjøen er gjort nettopp for at større delar av landet skal nyte godt av ringverknadene på Skarv.

Når det gjeld helikopterbase i Stjørdal inngår ikkje dette som eit etablert basemiljø og er difor ikkje utgreia. I tillegg treng ikkje Skarv så mykje helikoptertransport at det er fornuftig å etablere ein ny helikopterbase i Stjørdal. Ved å lokalisere helikoptertransport i Brønnøysund vil BP nyte godt av samordningeffektar med Statoil sine operasjonar på Norne. Samlokaliseringseffektane med driftsmiljøet i Stjørdal er vurdert, men funne å vere små på grunn av at det her er to sjølvstendige oljeselskap som skal samarbeide. Dei samarbeidsgevinstane som er funne gjeld base, forsyningsteneste, beredskapsteneste og helikopterdrift.

Driftseining i Stjørdal kombinert med basefunksjonar på Helgeland er vurdert, men funne lite kostnadseffektivt. BP har ikkje vurdert basefunksjon i Kristiansund kombinert med driftsorganisasjon i Stjørdal fordi dette openbert vil vere mindre kostnadseffektivt enn å samlokalisere desse funksjonane i Kristiansund.

Ringverknader

BP vil i samarbeid med lokale kunnskapsorganisasjonar etterprøve dei samfunnsøkonomiske anslaga i konsekvensutgreiinga. Når utbyggingsprosjektet er ferdig vil det bli gjort ei etterprøving av regionale og lokale vare- og tenesteleveransar, inkludert sysselsetjingseffekter. I driftsfasen vil det bli gjort ei evaluering etter to til tre års drift over kva deltaking det lokale og regionale næringslivet har opnnådd og kva ringverknader drifta har ført med seg.

Ilandføring av gass

Det er i dag ingen kundar i Midt-Noreg som kan motta gassen frå Skarv til ein konkurransedyktig pris. Det vil ikkje vere mogleg økonomisk å leggje opp til ei delt løysing der noko gass vert sendt til land i Midt-Noreg og noko går gjennom Åsgard transportsystem. Det er også viktig å påpeike at Skarv er eit olje- og gassfelt og kan difor ikkje føre brønnstraumen i fleirfasestraum til land for prosessering.

CO₂

Det er ikkje tilgjengeleg teknologi for CO₂ -fangst frå avgass frå gassturbinar til havs og CO₂ -innhaldet i den produserte gassen frå Skarv er for lågt til at eit aminanlegg tilsvarande det som finnest på Sleipner vil vere eit alternativ. Det er difor ikkje CO₂ tilgjengeleg for deponering. Det er heller ingen andre kjelder av CO₂ tilgjengeleg for injeksjon på Skarv på kort og mellomlang sikt. Skarv er hovudsakleg eit gassfelt med noko olje. BP har gjort ei grundig vurdering av både vassinjeksjon og gassinjeksjon. Avgjerda om gassinjeksjon framfor vassinjeksjon vart teken på grunnlag av heilksaplege vurderingar der både HMS, prosess- og boretekniske vurderingar og kostnader var inkludert. Gass vil bli injisert i reservoaret i ein periode på seks til sju år og blir produsert tilbake i slutten av produksjonstida for oljereservoaret. Kraftverk til havs og på land er underlagt dei same styrande lovar og direktiv med omsyn til utslepp til luft. Dei har båe krav om å nytte seg av beste tilgjengelege teknologi (BAT) som er godkjent for bruksområdet.

Kommentar

Base- og driftsstruktur

BP har for små operasjonar i Noreg til å etablere to sjølvstendige driftsmiljø. I lokaliseringsstudien i konsekvensutgreiinga forklarar BP kvifor det er ikkje er mogleg å flytte reservoarstyring, boring og brønnintervensjonar ut frå Stavanger. Selskapet er avhengige av å dra nytte av synergieffektar mellom driftsorganisasjonane sine i Stavanger og av å dele fagressursar mellom desse. BP meiner heller ikkje at løysinga bryt med etableringsmønsteret når det gjeld basemiljø. Det er allereie ein eksisterande helikopterbase i Brønnøysund og ein forsyningsbase i Sandnessjøen. BP ser heller ikkje at ein modell med driftsstøtteeining i Sandnessjøen skulle styrkje Stjørdal sin posisjon for å få resten av driftsorganisasjonen. BP sitt undergrunnsmiljø ligg i Stavanger, og ein ønskjer å hente ut synergieffektar ved å knyte undergrunnsaktivitetane opp mot dette. BP kan ikkje sjå at det er mogleg å hente ut slike synergieffektar ved ei etablering i Stjørdal. BP vil også påpeike at lokalisering av ei driftsstøtteeining til Sandnessjøen er gjort nettopp for at større delar av landet skal nyte godt av ringverknadene på Skarv.

Når det gjeld helikopterbase i Stjørdal inngår ikkje dette som eit etablert basemiljø og er difor ikkje utgreia. I tillegg treng ikkje Skarv så mykje helikoptertransport at det er fornuftig å etablere ein ny helikopterbase i Stjørdal. Ved å lokalisere helikoptertransport i Brønnøysund vil BP nyte godt av samordningeffektar med Statoil sine operasjonar på Norne. Samlokaliseringseffektane med driftsmiljøet i Stjørdal er vurdert, men funne å vere små på grunn av at det her er to sjølvstendige oljeselskap som skal samarbeide. Dei samarbeidsgevinstane som er funne gjeld base, forsyningsteneste, beredskapsteneste og helikopterdrift.

Driftseining i Stjørdal kombinert med basefunksjonar på Helgeland er vurdert, men funne lite kostnadseffektivt. BP har ikkje vurdert basefunksjon i Kristiansund kombinert med driftsorganisasjon i Stjørdal fordi dette openbert vil vere mindre kostnadseffektivt enn å samlokalisere desse funksjonane i Kristiansund.

Ilandføring

Det er i dag ingen kundar i Midt-Noreg som kan motta gassen frå Skarv til ein konkurransedyktig pris. Det vil ikkje vere mogleg økonomisk å leggje opp til ei delt løysing der noko gass vert sendt til land i Midt-Noreg og noko går gjennom Åsgard transportsystem.

Skarv vil, gjennom landbaserte støttefunksjonar, føre til verdiskaping i regionen. I utbyggingsfasen er det forventa at Skarv vil gje regional verdiskaping i Nordland på 400 mill. kroner fordelt over fire år. I driftsfasen er det forventa at Skarv vil føre til regional verdiskaping på omtrent 140 mill. kroner årleg.

CO₂

Kraftverk til havs og på land er underlagt dei same lovverk og direktiv med omsyn til utslepp til luft. Det er krav om å nytte beste tilgjengelege teknologi (BAT) som er godkjent for bruksområdet. Den teknologien som i dag er tilgjengeleg og godkjent for bruk til havs har ikkje same verknadsgrad som landbasert kraftproduksjon. Dette skuldast mellom anna plass- og vektgrenser.

Kommentar

Ringverknader

BP vil leggje vedlikehalds- og modifikasjonsplanleggjing, logistikk og ein innkjøpsfunksjon til Sandnessjøen. BP har allereie begynt å leggje til rette for lokal og regional industri gjennom leverandørseminar og etablering av leverandørnettet LOG Nord. Rekruttering av personell til havs skjer på ein nasjonal marknad. Erfaringa tilseier at regional del av personellet vil auke over tid. BP vil nytte seg av tilgjengeleg basestruktur i Sandnessjøen og avtalar vil bli inngått på vanleg forretningsgrunnlag.

Miljø

Hovudforskjellen i miljøstandard for Barentshavet og Lofoten og områda lengre sør er at ein i Barentshavet forventar null utslepp av produsert vatn og borekaks. Skarvutbygginga vil følgje dei krava som gjeld for regionen. Basert på ei heilskapleg miljøvurdering ser ikkje BP at det har ei hensikt å leggje seg på ein fysisk nullutsleppstandard sjølv om det hadde vore mogleg teknisk. BP legg BAT til grunn ved val av utbyggingsløysingar for å oppnå så god miljø- og energioptimal utbygging og drift som råd er. Det er ikkje funnen ein miljøgevinst ved fysisk nullutslepp av produsert vatn og vassbasert borekaks i forhold til dei valde løysingane. Reinjeksjon av produsert vatn vil føre med seg store utslepp til luft frå boring av dedikert brønn og frå pumping av produsert vatn ned i undergrunnen under drift. Transport av vassbasert borekaks til land vil også gje utslepp til luft frå transport og i tillegg vil avfallet vere eit stort volum som må bli handsama og deponert på land. Skarv planlegg å inngå i den regionale beredskapen på Haltenbanken.

Kommentar

Ringverknader

Utbyggar har starta å leggje til rette for lokal og regional industri gjennom leverandørseminar og etablering av leverandørnettet LOG Nord. Skarv planlegg å gå inn i den regionale beredskapen på Haltenbanken. BP er også medlem av NOFO, og det er ikkje forventa at det vil bli inngått fleire avtalar enn dei NOFO allereie har etablert. BP vil i samarbeid med lokale kunnskapsorganisasjonar etterprøve dei samfunnsøkonomiske anslaga i konsekvensutgreiinga. Når utbyggingsprosjektet er ferdig vil det bli gjort ei etterprøving av regionale og lokale vare- og tenesteleveransar, inkludert sysselsetjingseffekter. I driftsfasen vil det bli gjort ei evaluering etter to til tre års drift over kva deltaking det lokale og regionale næringslivet har oppnådd og kva ringverknader drifta har ført med seg.

Kommentar

Base- og driftsstruktur

BP har for små operasjonar i Noreg til å kunne etablere to sjølvstendige driftsmiljø. Selskapet er avhengig av å dra nytte av synergieffektar mellom driftsorganisasjonane sine i Stavanger og av å dele fagressursar mellom desse. BP ser på den foreslåtte lokaliseringsløysinga som å vere i tråd med dei signala Stortinget og Regjeringa tidlegare har gjeve og meiner den ikkje bryt med det etablerte mønsteret for drifts- og basestruktur. Det er allereie etablert ein helikopterbase i Brønnøysund og ein forsyningsbase i Sandnessjøen. Utbyggar viser til at det i konsekvensutgreiinga konsekvent er brukt data frå 1. januar 2005.

Kommentar

Arealdekkjing

Utbyggar viser til at omfanget av nedgraving og grusleggjing av feltrøyr ikkje var klarlagt før konsekvensutgreiinga var ferdig. Røyra mellom produksjonsskipet og produsentane vil i utgangspunktet liggje ubeskytta på havbotnen. Eksportrøyret vil bli steindumpa i visse delar av traséen. Utbyggar påpeiker at sidan det hovudsakleg foregår linefiske i området er det ikkje forventa negative konsekvensar på grunn av feltrøyr eller eksportrøyr.

Korallar

I følgje utbyggar har det blitt gjort fleire undersøkjingar av havbotnen i området som også har inkludert kartleggjing av korallar. På bakgrunn av dette vart det utarbeida kart som inkluderer alle korallfunn og desse karta er blitt brukt for å unngå at undervassinstallasjonar og røyr blir lagt til område med korallforekomstar. Utbyggar sin framgangsmåte og strategi er diskutert med Havforskningsinstituttet og denne dialogen vil fortsetje vidare iprosjekteringsfasen.

Kommentar

Utslepp til sjø

Utbyggar viser til at Oljeindustriens landsforening, i samarbeid med Olje- og energidepartementet har ansvaret for å oppdatere dei regionale konsekvensutgreiingane. Utbyggar har gjort ein analyse for å vurdere og samalikne handtering av produsert vatn. Analysen konkluderte at reinsing og utslepp var best i dette tilfellet på bakgrunn av følgjande:

Kommentar

Utbyggar legg BAT til grunn for å oppnå ei så miljø- og energioptimal utbygging og drift som råd er.

Kommentar

Korallar

Utbyggaren vil i alle aktivitetar søkje å redusere påverknad av havbotnen. Det er identifisert korallar i området og det er etablert eit samarbeid mellom utbyggar og Havforskningsinstituttet for å handtere dette så godt som råd er. Utbyggar vil også gje DN tilgang til kart og planar. Desse karta blir også brukt for å unngå at undervassinstallasjonar og røyr blir lagt til område med korallførekomstar.

Sjøfugl

Utbyggar seier at konsekvensar for sjøfugl, marine pattedyr og sårbare område er knytta til hendingar med akutte utslepp av olje. Desse forholda er handsama i konsekvensutgreiinga. Utbyggar viser til at utvalget av artar som det er berekna konsekvensar for i hovudsak er grunngjeve i korvidt dei er i området og kor sårbare dei er for olje. Utbyggar vil inkludere nordleg sildemåke, samt marine pattedyr som havert og steinkobbe i miljørisikoanalysen.

Miljørisiko

Utbyggar viser til at miljørisikoanalysen er utført i samsvar med den rettleiinga som er gjeven av OLF. I miljørisikoanalysen for Skarv er både metode og resultat grundig dokumentert, og utbyggar har sagt seg villig til å gjere miljørisikoanalysen tilgjengeleg.

Verneområde

Uttbyggar viser til at effektar på strandområde generelt er inkludert i miljørisikoanalysen og har låg forventa miljørisiko. Verneområde vil dessutan ha høgaste prioritet i forhold til oljevernberedskap og under ein eventuell oljevernaksjon.

Kommentar

Utslepp til sjø

Utbyggar har utført ei vurdering av dei totale miljøpåverknadene av ulike løysingar av handtering av produsert vatn for å evaluere kva alternativ som heilskapleg vil tene miljøet best. ALARP-vurdering tyder «As low as reasonably practicable». Denne analysen viste at reinsing og utslepp vil vere den beste løysinga på bakgrunn av følgjande forhold:

• Låge vassvolum

• Lågt forbruk og dermed låge utslepp av kjemikaliar

• EIF-verdi for utslepp til sjø er rekna til å vere svært låg.

• Ein dedikert reinjeksjonsbrønn vil gje auka utslepp til sjå og luft frå boring.

• Reinjeksjon fører med seg auka utslepp til luft fordi pumpene som pumpar vatnet tilbake er kraftkrevjande. Det reinjiserte vatnet vert ikkje brukt som trykkstøtte og reinjisering er dermed berre for å deponere vatnet.

• BAT vil bli brukt for å reinse vatnet før det blir slept til sjø. Det vil bli lagt opp til at reinjeksjon av produsert vatn kan bli inkludert på eit seinare tidspunkt.

Korallar og arealdekkjing

Alle dei feltinterne røyra mellom produksjonsskipet og rammene på havbotnen vil bli lagt med eit dynamisk posisjonert farty. Eksportrøyret er av ein slik diameter at det berre er eit fåtal farty på verdsbasis som kan utføre eit slikt oppdrag. Berre eitt av desse fartya har dynamisk posisjonering. Utbyggar vil gå gjennom ein anbudsprosess der både tekniske-, HMS- og økonomiske vurderingar blir gjort. Dersom eit farty med anker blir valt vil det bli sett i verk prosedyrar som gjer at påverknad av ankerkjettingane på havbotnen blir redusert. I tillegg vil det bli utført ein forstudie med undersøkjing av ankerlokasjonane for å sikre at ingen korallrev blir skada. Havforskningsinstituttet vil bli bedd om å bidra i utarbeiding av eit overvakingsprogram og i sjølve analysen av resultata.